केरळची 'हेवी ड्रायव्हर' डेलिशिया! ज्वलनशील पदार्थांचा टँकर चालवणारी 'एकुलतीएक'

मुलीही गाड्या चालवू शकतात, हे आता कोणीही सांगायची गरज राहिली नाहीये. सायकल, बाईक, रिक्षा, ट्रक, ट्रेन आणि अगदी विमानही लीलया चालवू शकणाऱ्या कित्येक मुली आपण पाहिल्या आहेत. हा व्हिडिओही अशाच एका मुलीची गोष्ट सांगण्यासाठी आहे, जी टँकर-लॉरी चालवते. मात्र, यातही काहीतरी खास आहे! हिला पाहून तुम्हीही म्हणाल, की ये तो बडी हेवी ड्रायव्हर निकली! केरळच्या थिस्सूरमधील २२ वर्षांची डेलिशिया ही ट्रक आणि लॉरी चालवते. केरळमध्ये हे नवीन नाही. कित्येक मुली आणि महिला ट्रक-बस अशी अवजड वाहने आरामात चालवतात. मात्र, यात डेलिशियाचे काम विशेष असण्याचे कारण म्हणजे, तिच्याकडे असलेला खास परवाना! संपूर्ण केरळमध्ये केवळ डेलिशियाकडेच ज्वलनशील पदार्थांचा टँकर चालवण्याचा परवाना आहे. अगदी कमी वयातच तिने हे फायर अँड सेफ्टी लायसन्स मिळवले आहे.