हैदराबाद : धावपळीच्या जीवनात आजकाल लोकांची जीवनशैलीही झपाट्याने बदलत आहे. कामाचा वाढता ताण आणि खाण्याच्या चुकीच्या सवयींमुळे लोक अनेक समस्यांना बळी पडत आहेत. तसेच या बदलत्या जीवनशैलीमुळे अनेकदा लोकांना पुरेशी झोपही मिळत नाही. झोपेच्या कमतरतेमुळे आरोग्याच्या अनेक समस्या उद्भवू शकतात. निरोगी राहण्यासाठी चांगली झोप खूप महत्त्वाची आहे. परंतु आजकाल सतत वाढत जाणारा ताण आणि आपल्या सवयींमुळे झोपेची पद्धत पूर्णपणे बिघडली आहे. त्यामुळे लोक झोपेच्या विविध विकारांना बळी पडत आहेत. स्लीप पॅरालिसिस ही अशीच एक समस्या आहे, जी आजकाल अनेकांना सतावत आहे. जाणून घ्या स्लीप पॅरालिसिसशी संबंधित सर्व महत्त्वाच्या गोष्टी.
स्लीप पॅरालिसिस म्हणजे काय ? तुम्हाला कधी असे वाटले आहे का की तुम्ही नुकतेच तुमच्या झोपेतून जागे झालात पण तरीही अंथरुणातून उठू शकत नाही? लाख प्रयत्नांनंतरही तुम्ही हलू शकत नाही आणि काही बोलू शकत नाही. जर तुम्हालाही हे सर्व जाणवले असेल तर हा स्लीप पॅरालिसिस आहे. सोप्या भाषेत सांगायचे तर, स्लीप पॅरालिसिस असलेल्या व्यक्तीला झोपेत उठता आणि बोलता येत नाही. या दरम्यान व्यक्तीला असे वाटते की तो शुद्धीत आहे, परंतु त्याचे शरीर हालचाल करण्यास असमर्थ आहे. अनेकदा ही समस्या गाढ झोपेच्या आधी किंवा उठण्याच्या काही वेळापूर्वी उद्भवू शकते.
स्लीप पॅरालिसिसचे कारण काय आहे ? सर्व वयोगटातील मुले आणि प्रौढांना स्लीप पॅरालिसिस होऊ शकतो. दुसरीकडे जर आपण त्याच्या कारणाबद्दल बोललो, तर या समस्येचे कारण खालील असू शकते.
- निद्रानाश
- नार्कोलेप्सी
- चिंता विकार
- नैराश्य
- द्विध्रुवीय विकार
- पोस्ट-ट्रॉमॅटिक स्ट्रेस डिसऑर्डर (PTSD)
स्लीप पॅरालिसिसची लक्षणे काय आहेत?
- बोलणे आणि शरीर हलविण्यास असमर्थता
- नकारात्मक ऊर्जा जाणवते
- खोलीत कोणाची तरी उपस्थिती जाणवणे
- छाती आणि घशात दाब आणि गुदमरल्यासारखे वाटणे
- तुमच्या मनात एक सावली पहणे
स्लीप पॅरालिसिस कसा टाळायचा? आजपर्यंत या समस्येवर असा कोणताही उपचार किंवा थेरपी नाही, ज्याद्वारे तो बरा होऊ शकेल. अशा परिस्थितीत तुम्ही तुमच्या जीवनशैलीत छोटे पण महत्त्वाचे बदल करून या समस्येवर मात करू शकता. या बदलांमध्ये पुढील गोष्टींचा समावेश आहे-
- तुमच्या आयुष्यातील तणाव कमी करा
- नियमितपणे व्यायाम करा, परंतु झोपेच्या वेळी नाही
- पुरेशी विश्रांती घ्या
- योग्य झोपेचे चक्र पाळा
- एका बाजूला झोपा आणि पाठीवर झोपणे टाळा
- दारू, सिगारेट किंवा इतर औषधे टाळा
हेही वाचा :
