वॉशिंग्टन [यूएस] : अल्झायमर रोग हा 'विसरण्याचा आजार' (Alzheimer disease) आहे. या आजाराच्या लक्षणात स्मरणशक्ती नष्ट होते. शिवाय, बोलण्यास अडचण येणे, निर्णय घेण्यात असमर्थ असणे. मधुमेह, आधुनिक जीवनशैली, रक्तदाब आणि डोक्याला अनेकवेळा मार लागणे हे आहे. मार लागल्याने या आजाराचे प्रमाण वाढण्याची आशंका वाढते. नवीन यूएससी लिओनार्ड डेव्हिस स्कूल ऑफ जेरोन्टोलॉजी अभ्यासाने मेंदूमध्ये अ‍ॅमलॉइड बीटा (Amyloid beta) नावाचे प्रथिने तयार होणे अल्झायमर रोगाशी कसे संबंधित आहे या कल्पनांना आव्हान दिले आहे. अ‍ॅमलॉइड प्रथिने तयार होणे हा अल्झायमर-संबंधित न्यूरोडीजनरेशनशी संबंधित आहे. प्रथिनांचा मेंदूच्या सामान्य वृद्धत्वाशी कसा संबंध आहे याबद्दल फारसे माहिती नाही, असे विद्यापीठाचे प्राध्यापक कॅलेब फिंच म्हणाले.
विचार करण्याची आणि स्मरण क्षमता कमजोर होते : 60 वर्षे वयाच्या जवळपास वय असणाऱ्या लोकांमध्ये हा आजार उद्भवू शकतो. आजाराच्या सुरुवातीला नियमित तपासणी आणि उपचाराने नियंत्रण ठेवू शकतो. या आजारावर काही स्थायी उपाय नाही. मस्तिष्कच्या स्नायूंच्या क्षरणाने पेशंटच्या बौद्धिक क्षमता आणि व्यावहारिक लक्षणांत पण फरक पडतो. माणूस जसजसा म्हातारा होत जातो तसतशी त्याची विचार करण्याची आणि स्मरणाची क्षमतापण कमजोर होत जाते. मानवी मेंदूतील अ‍ॅमलॉइड बीटा (Amyloid beta) चे स्तर शोधण्यासाठी, संशोधकांनी निरोगी मेंदू आणि स्मृतिभ्रंश असलेल्या रुग्णांच्या मेंदूतील (symptoms of Alzheimer) ऊतींचे नमुने घेतले. अल्झायमरची अधिक गंभीर प्रकरणे उच्च ब्रॅक स्टेजिंग स्कोअरद्वारे दर्शवली गेली.
अल्झायमर असाध्य आहे : लक्षणीय म्हणजे, अल्झायमर रोग हा वृद्ध प्रौढांमधील स्मृतिभ्रंशाचा ( Dementia in older adults ) सर्वात सामान्य प्रकार मानला जातो. त्याच वेळी, जागतिक आरोग्य संघटनेनुसार, 60-70% स्मृतिभ्रंश प्रकरणे अल्झायमरमुळे होतात. यावर कोणताही ज्ञात उपचार नाही, त्यामुळे जितक्या लवकर हा आजार आढळून येईल तितक्या लवकर औषधांच्या मदतीने त्यावर नियंत्रण मिळवण्याचे प्रयत्न सुरू करता येतील. अशा परिस्थितीत, या अभ्यासाच्या निकालांनी अल्झायमरचे लवकर निदान आणि उपचार करण्यासाठी आणखी एक संभाव्य मार्ग सुचवला आहे. त्याच वेळी, संशोधनाचे निष्कर्ष असेही सूचित करतात की, काही औषधे जी लिपिड होमिओस्टॅसिस आणि जळजळ नियंत्रित करतात आणि कोलेस्टेरॉल कमी करतात. त्या दोन्ही स्थितींच्या उपचारांमध्ये (precautions of Alzheimer) उपयुक्त ठरू शकतात.
अल्झायमर हा वृद्धांचा आजार : सामाजिक न्याय आणि अधिकारिता मंत्रालय आणि ऑल इंडिया इन्स्टिट्यूट ऑफ मेडिकल सायन्सेस (एम्स) कडून जारी करण्यात आलेल्या एका एडवायझरीत सांगण्यात आले होते की, वर्ष 2011 च्या जनगणनेनुसार, देशात जवळपास 16 कोटी वद्ध आहेत (60 वर्षांवरील). त्यात 60 ते 69 वर्षांपर्यंतचे 8.8 कोटी, 70 ते 79 वर्षांपर्यंतचे जवळपास 6.4 कोटी, इतरांवर अवलंबून असलेले 80 वर्षांचे जवळपास 2.8 कोटी आणि 18 लाख वृद्ध असे आहेत ज्यांचे स्वत:चे घर नाही किंवा त्यांची काळजी करणारे कोणी नाही.
