यवतमाळ - जिल्ह्यातील पांढरकवडा, वणी आणि घाटंजी या तीन तालुक्याला गारपिटीसह अवकाळी पावसाने झोडपून काढले. यात रब्बी पिकांचे मोठ्या प्रमाणात नुकसान झाले आहे. सततच्या पावसामुळे शेतकरी मेटाकुटीस आला आहे. मागील आठवड्यातपासून जिल्ह्यात ढगाळ वातावरण आहे. सायंकाळच्या सुमारास पांढरकवडा तालुक्यातील खैरगाव, लिंगटी, मोरवा, उमरी, सायखेडा, तेलंग टाकळी, किन्ही, किनाला, वागदा तर घाटंजी तालुक्यातील राजूरवाडी आणि वणी तालुक्यातील गणेशपूर, या गावांना पावसाने अक्षरशः झोडपून काढले.
यवतमाळमध्ये अवकाळी पावसासह गारपीट, तीन तालुक्यांना बसला मोठा फटका
