यवतमाळ - पुसद दिग्रस रोडवरील पूस नदीच्या पुलावरून एका अल्पवयीन मुलीने उडी मारून आत्महत्या केली. काल दुपारी ही घटना घडली. प्रीती अजय जगदाळ वय पंधरा वर्षे असे आत्महत्या करणाऱ्या मुलीचे नाव आहे.
सकाळी मुलगी घरून निघून गेल्यानंतर आईने थेट शहर पोलीस स्टेशन गाठले. तिने मुलगी घरून निघून गेल्याची माहिती दिली. दरम्यान दुपारी दीड वाजता पुसद दिग्रस रोडवरील पूस नदीच्या पुलावरून मुलीने उडी मारून आत्महत्या केल्याची माहिती मिळाली. लगेच पोलिसांनी घटनास्थळावर धाव घेतली. मुलीला वाचवण्यासाठी युवराज पुंडलिक जामनोर,अनिल जनार्दन वांजाळ, गणेश भिकाजी दिंडे, दादासाहेब कोडबा, राहुल विजय चव्हाण, शेख अफसर यांनी अथक परिश्रम घेतले. शेवटी मुलीचा मृतदेह शोधण्यात पोलिसांना यश आले.
सदर मुलीस मेडिकेअर हॉस्पिटलमध्ये आणले असता डॉक्टरांनी तिला मृत घोषित केले. घटनास्थळ वसंत नगर पोलीस स्टेशन अंतर्गत येत असल्याने पुढील तपास पोलीस करीत आहेत. आत्महत्येचे कारण समजले नाही. परंतु घटनेची माहिती मिळताच मुलीच्या आईने एकच टाहो फोडला होता.
हेही वाचा - नाशिक : चिमुकलीला सोडून आईने भर पावसात काढला पळ, इगतपुरीतील धक्कादायक घटना
