यवतमाळ - दुबई येथून यवतमाळमध्ये परतलेल्या 'त्या' 9 नागरिकांपैकी दोन जणांचे थ्रोट नमुने तपासणीत पॉझिटिव्ह आल्याने त्यांना कोरोनाची बाधा झाल्याचे स्पष्ट झाले आहे. यामध्ये एक महिला तर एक पुरुष असल्याची माहिती जिल्हाधिकारी एम. डी. सिंग यांनी दिली आहे.
यवतमाळ येथील दुबईवरुन परतलेल्या 9 जणांना प्रतिबंधात्मक उपाययोजना म्हणून स्व. वसंतराव नाईक शासकीय वैद्यकीय महाविद्यालयाच्या आयसोलेशन वॉर्डमध्ये दाखल करण्यात आले आहे. पुढील उपचारासाठी त्यांच्या थ्रोट स्वॅबचे नमुने नागपूर येथील इंदिरा गांधी वैद्यकीय महाविद्यालयात चाचणीसाठी पाठविण्यात आले होते यामध्ये दोन जण कोरोना पॉझिटिव्ह असल्याचे स्पष्ट झाले आहे. आता या 2 रुग्णांच्या संपर्कात आलेल्या नागरिकांची माहिती गोळा करण्याचे काम सुरू झाले आहे.
यवतमाळमधील 'त्या' 9 पैकी 2 नागरिक कोरोना पॉझिटिव्ह, नागरिकांनी घाबरुन न जाता काळजी घ्यावी - जिल्हाधिकारी
