वाशिम - कारंजा तालुक्यातील बुद्रुक ते भिवरी रस्त्यादरम्यान दोन दुचाकींमध्ये भीषण अपघात झाला आहे. यामध्ये दोघांचा मृत्यू झाला असून दोनजण गंभीर जखमी झाल्याची घटना घडली आहे.
कारंजा तालुक्यातील धनज बुद्रुक ते भिवरी रस्त्यावर दोन दुचाकींची समोरासमोर धडक झाली. या अपघातात सुभाष टाके (वय-62) आणि प्रताप मोहिते (वय-30) या दोघांचा मृत्यू झाला असून अभिजित टाके गंभीर जखमी झाला आहे.
दुचाकीची बैलाला धडक
तर दुसरा अपघात लाडेगाव ते कामरगाव रस्त्यावर घडला असून दुचाकीने बैलाला दिलेल्या धडकेत प्रांजल गजभिये (वय -27) यांचा जागीच मृत्यू झालाय. अमोल सवई (वय-36) हे गंभीर जखमी झाले आहेत.
पोलिसांनी घटनास्थळी पोहोचून जखमींना उपचारासाठी जवळच्या रुग्णालयात दाखल केले आहे. तसेच मृत व्यक्तींचे मृतदेह शवविच्छेदनासाठी पाठवण्यात आले आहेत.
