वाशिम - गौळखेडा येथील गजानन वानखेडे यांच्या शेतातील पॉलिहाऊस अज्ञातांनी पेटवल्याचा प्रकार समोर आला आहे. संबंधित घटना रात्रीच्या सुमारास घडल्याने आरोपींची ओळख पटवण्यास अडचणी येत आहेत. मात्र, यामुळे शेतकऱ्याचे दीड लाख रुपयांचे नुकसान झाले आहे.
शेतातील पॉलिहाऊस अज्ञातांनी पेटवल्याचा प्रकार समोर आला आहे.
या प्रकरणी शिरपूर पोलीस ठाण्यात गुन्हा दाखल करण्यात आला असून आधीच हवालदिल झालेल्या शेतकऱ्याच्या आर्थिक संकटात भर पडली आहे. अज्ञात व्यक्तीच्या या भ्याड कृत्यामुळे मोठ्या नुकसानाला सामोरे जावे लागले आहे.
संबंधित शेतकऱ्यावर महाराष्ट्र बँकेच्या शिरपूर शाखेचे आठ लाख रुपयांचे कर्ज आहे. आता या नुकसानामुळे कर्जाचा डोंगर वाढणार असल्याने वानखेडे यांच्या अडचणीत भर पडली आहे. पोलिसांनी जलदगतीने या प्रकरणाचा छडा लावून शेतकरी कुटुंबास न्याय मिळवून द्यावा, अशी मागणी स्थानिक करत आहेत.
