वाशिमच्या प्रवाशांना परभणीत प्रवेश नाही, जिल्हाधिकाऱ्यांचे आदेश

महाराष्ट्रात कोरोना मोठ्या प्रमाणात वाढत आहे. अनेक ठीकाणी लॉकडाऊन देखील करण्यात आले आहे.

वाशिम - महाराष्ट्रात कोरोना मोठ्या प्रमाणात वाढत आहे. अनेक ठीकाणी लॉकडाऊन देखील करण्यात आले आहे. या पार्श्वभूमीवर कोरोना संसर्गाचा वाढता प्रादुर्भाव बघता परभणीचे जिल्हाधिकारी दीपक मुगळीकर यांनी एक आदेश काढला आहे. या आदेशात त्यांनी परभणी जिल्ह्यात येणाऱ्या वाशिम सोबतच बाहेर जिल्ह्यातून येणाऱ्या एसटी बसेसला पुढील आदेशापर्यंत परभणी जिल्ह्यात प्रवेश बंद केला आहे.

कोरोनाचा वाढता प्रादुर्भाव बघता परभणीचे जिल्हाधिकारी यांचा आदेश वाशिम बस डेपोला मिळाला. त्यामुळे वाशिम जिल्ह्यातून पहाटे सात वाजता जाणारी परभणी बस आजपासून बंद करण्यात आली आहे. कोरोना संसर्ग बाहेर जिल्ह्यातून येणाऱ्या प्रवाशांमुळे जास्त पसरू नये म्हणून परभणीच्या जिल्हाधिकाऱ्यांनी हा आदेश काढला. त्यामुळे वाशिम जिल्ह्यातून परभणी जिल्ह्यात जाणाऱ्या प्रवाशांना आजपासून परभणी जिल्हाधिकाऱ्यांचे पुढील आदेशापर्यंत जिल्ह्यात येता येणार नाही.हेही वाचा- ‘ओव्हर द टॉप’ (ओटीटी) प्लॅटफॉर्म्ससाठी नवी नियमावली