वाशिम - कष्ट करण्याची उमेद व जिद्द वयासह कुठल्याही अडचणींवर सहज मात करू शकते, याचे मूर्तिमंत उदाहरण वाशिम जिल्ह्यातील तांदळी शेवई येथे पाहावयास मिळाले. आर्थिक चणचणीमुळे बैल विकत घेण्याची परिस्थिती नसल्याने एका ६८ वर्षीय शेतकऱ्याने वयोवृद्ध पत्नीच्या सहाय्याने आपल्या शेतात डवरणीला सुरुवात केली आहे.
वाशिममध्ये बैलजोडी नसल्याने शेतकऱ्याची पत्नीच्या मदतीने डवरणी
आजच्या युवा पिढीसाठी हा एक आदर्श आहे. या वृद्ध दाम्पत्याच्या वयाला हरवून संकटावर मात करण्याच्या धाडसाने इतर शेतकऱ्यांना ऊर्जा मिळत आहे. अलिकडच्या काळात युवा शेतकरी नैसर्गिक आपत्तीने झालेल्या नुकसानापोटी नैराश्य पत्करून आत्महत्या करीत असताना वाशिम तालुक्यातील तांदळी शेवई येथील वृद्ध दाम्पत्य जिवनाच्या अखेरच्या वळणावर आधुनिक साहित्य, बैल जोडी नसतानाही एकमेकांच्या साथीने त्यांची शेती कसत आहेत .
