वर्धा - रस्त्याच्या कडेला उभ्या असलेल्या ट्रकला भरधाव कार धडकून झालेल्या भीषण अपघातात तिघांचा मृत्यू झाला आहे. पुलगाव ते वर्धा मार्गावर ही घटना घडली आहे. या घटनेत एक महिला जखमी झाली आहे.
उभ्या ट्रकला कार धडकून तीन ठार
याविषयी सविस्तर वृत्त असे की, पुलगाव-वर्धा मार्गावरील मलकापूर-केळापूर शिवारात रस्त्याच्या कडेला उभ्या असलेल्या एका ट्रकला एक भरधाव कार धडकली. यात तिघांचा मृत्यू झाला, तर एक महिला जखमी झाली आहे. दोन मुले या अपघातातून बचावली आहे. सोमवारी रात्री साडेबाराच्या सुमारास ही घटना घडली. शेगावहून ही कार नागपूरच्या दिशेने जात होती. सर्व मृत हे हिंगणारोडमधील रहिवासी असल्याचे समजते.
हेही वाचा - पद्मश्री पुरस्कार ही वाशिमकर म्हणून अभिमानाची बाब; नामदेव कांबळे यांची प्रतिक्रिया
