काँग्रेस आमदार भाजपमध्ये प्रवेश करणार असल्याचे बनावट फोटो व्हायरल, गुन्हा दाखल

लोकसभेचे निकाल लागून दोन दिवस होत नाही, तोच विधानसभेचे अनेकांना वेध लागले आहेत. यातूनच सलग तीनदा विजयी राहिलेले, विशेष म्हणजे 2014 च्या मोदी लाटेतही निवडूण आलेले रणजित कांबळे हे टार्गेट होताना दिसून येत आहे. आगामी विधानसभा लक्षात घेता हा खोडसाळपणा केल्याचे बोलले जात आहे.

वर्धा - देवळी विधानसभा मतदारसंघाचे काँग्रेसचे आमदार रणजित कांबळे भाजपमध्ये प्रवेश करणार, अशा आशयाचे बॅनर सोशल मीडियावर व्हायरल करण्यात आले आहेत. याविरोधात काँग्रेसचे जिल्हाध्यक्ष मनोज चांदूरकर यांच्या तक्रारीवरून अज्ञातांविरोधात गुन्हा दाखल करण्यात आला आहे.

लोकसभेचे निकाल लागून दोन दिवस होत नाही, तोच विधानसभेचे अनेकांना वेध लागले आहेत. यातूनच सलग तीनदा विजयी राहिलेले, विशेष म्हणजे 2014 च्या मोदी लाटेतही निवडूण आलेले रणजित कांबळे हे टार्गेट होताना दिसून येत आहे. आगामी विधानसभा लक्षात घेता हा खोडसाळपणा केल्याचे बोलले जात आहे.

जाणीवपूर्वक दोन वृत्त वाहिन्यांच्या नावाचा उपयोग करून हे संदेश फिरवले जात आहे. आमदार रणजित कांबळे लवकरच करणार भाजपात प्रवेश, असा उल्लेख करत बदनामी आणि खोडसाळपणा करण्यात आला. यावर संतप्त प्रतिक्रिया पाहायला मिळत आहे. याविषयी काँग्रेसचे जिल्हाध्यक्ष मनोज चांदूरकर यांनी शहर ठाण्यात तक्रार दिली आहे.

अशा पोस्ट तयार करून बदनामी करण्यांचा शोध घेऊन त्याच्यांवर सायबर गुन्ह्यांतर्गत गुन्हा दाखल करून योग्य ती कारवाई करावी, अशी मागणी चांदूरकर यांनी केली आहे.