वर्ध्यात कर्ज वसुलीच्या तगाद्याने कर्जदाराची आत्महत्या

कृष्णा देवतळे सेलूच्या खाजगी कंपनीत काम करत होते. यात त्यांनी बजाज फायनान्स कडून कर्ज काढून घेतले होते. पण त्याची इन्स्टॉलमेंट थकवली. यात फायनान्स कंपनीला दिलेला चेक बाऊन्स झाल्यानंतर कंपनीच्या कर्मचाऱ्यांनी तगादा सुरू केला. शनिवारी त्यांचा गळफास लावलेला मृतदेह महाबळा केळझर दरम्यान दफतरी पेट्रोल पंपाजवळ आढळून आला.

वर्धा - वर्ध्याच्या सेलू पोलीस स्टेशन अंतर्गत बजाज फायनान्स कंपनीच्या कर्जवसुली पथकाच्या कर्मचाऱ्यांच्या तगाद्याने एकाने आपली जीवनयात्रा संपवली. कर्जाचे हप्ते फेडण्यासाठीचा चेक बाऊन्स झाल्याने हा तगादा लावला जात असल्याचे मृत्यूपूर्वी लिहिलेल्या चिठ्ठीत नमूद करण्यात आले. झाडाला गळफास घेऊन आत्महत्या केल्याची घटना शनिवारी उघडकीस आली. कृष्णां शामराव देवतळे असे मृत इसमाचे नाव आहे.

कृष्णा देवतळे सेलूच्या खाजगी कंपनीत काम करत होते. यात त्यांनी बजाज फायनान्स कडून कर्ज काढून घेतले होते. पण त्याची इन्स्टॉलमेंट थकवली. यात फायनान्स कंपनीला दिलेला चेक बाऊन्स झाल्यानंतर कंपनीच्या कर्मचाऱ्यांनी तगादा सुरू केला. कर्जामुळे अगोदरच विवंचनेत असताना त्यांना हा तगादा सहन झाला नाही. यात मागील दोन दिवसांपासून कामावर न जाता बेपत्ता झाले. घरच्यांनी घरी परत न आल्याने शोध घेतला. अखेर शुक्रवारी १६ जुलै रोजी रात्री कुटुंबियांकडून सेलू पोलीस स्टेशनला बेपत्ता झाल्याची तक्रार दाखल केली. शनिवारी त्यांचा गळफास लावलेला मृतदेह महाबळा केळझर दरम्यान दफतरी पेट्रोल पंपाजवळ आढळून आला.

कर्मचाऱ्यांचा तगादा

काय लिहले आहे मृत्यूपूर्वी चिठ्ठीतमृताकडे त्याने लिहिलेली चिठ्ठी पोलिसांना मिळाली. यामध्ये बजाज फायनान्स कंपनीचे वसुली कर्मचारी अतुल बालपांडे व करण पाठक या दोघांकडून पैसे भरण्यासाठी मानसिक त्रासामुळे आत्महत्या करीत असल्याचे लिहून ठेवले. घटनास्थळी पोहचून सेलू पोलिस स्टेशनचे ठाणेदार सुनील गाडे यांच्या मार्गदर्शनात रत्नाकर कोकाटे, अमोल राऊत व गजानन वाट यांनी केला. पोलिसांचा पुढील तपास सुरू आहे. मृतदेहाची उत्तररीय तपासणी करण्यासाठी रुग्णालयात नेण्यात आले.

हेही वाचा - चेंबूर येथे दरड कोसळून 11 जण ठार, NDRF कडून बचावकार्य सुरु