Thane News : खास महिलांसाठी असलेल्या तेजस्विनी बसची दुरावस्था, वाचा सविस्तर

टीएमटीकडून महिला धोरणालाही हरताळ फासण्याचा प्रकार सुरु आहे. ठाणे शहरातील महिलांना सुखकर व सुरक्षित प्रवासी सुविधा उपलब्ध करून देण्याच्या दृष्टीने टीएमटी सेवेच्या ताफ्यात तेजस्विनी बस दाखल करण्यात आल्या होत्या. ५० पैकी ३० तेजस्विनी बसेसवर महिला वाहकांऐवजी पुरुष वाहक दिसू लागले आहेत. यासंदर्भात परिवहन प्रशासनाकडून माहिती घेतली असता नाव न घेता यासंदर्भात माहिती देण्यात आली आहे.

ठाणे : महिला सक्षमीकरणाच्या हेतुने ठाणे महापालिका परिवहन सेवेमध्ये महिला प्रवाश्यांसाठी महिला वाहक असलेल्या तेजस्विनी बसेस तीन वर्षापुर्वी दाखल झाल्या. या तेजस्विनी बसेसवर अपूर्वा महिला सामाजिक संस्थेच्यावतीने तब्बल १२५ महिला वाहक नेमण्यात आल्या. मात्र, तेजस्विनी बसेसवर ८ ते १० तास राबराब राबुनही महिनाकाठी 10,600 रुपयांचे मिळत असल्याने तेजस्विनी महिलांनी टीएमटी सेवेतुन काढता पाय घेतला आहे. त्यामुळे गेले काही महिने तेजस्विनी बसेसचे नियमित संचलन कोलमडुन पडले आहे. त्यातच आता महिला वाहकांऐवजी चक्क कंत्राटी पुरुष वाहक नेमल्याचे आढळून आले आहे. यासंदर्भात सॅटीस थांब्यावरील टीएमटी वाहतूक निरिक्षकांना विचारले असता, त्यांनी तेजस्विनीच्या सर्व बसेसवर वाहकांची नेमणुक केली जात आहे.

महिला वाहक चालकांना त्रास : टीएमटीच्या तेजस्विनी बसमध्ये शाश्वत रोजगाराच्या आशेने अनेक महिला वाहक भरती झाल्या. परंतु, तीन वर्षे उलटूनही ना वेतनात वाढ झाली, ना टीएमटीमध्ये कायम करण्यात आले. कंत्राटदार महिलेची हस्तक असलेली महिला या नेहमीच अद्वातद्वा बोलून अपमानित करीत असल्याच्या तक्रारी तेजस्विनी वाहक महिलांनी केल्या. कौटुंबिक कारणामुळे एखादीने सुट्टी घेतली तर, त्या वाहक महिलेला स्पेअर ड्युटी किंवा थेट घरी बसवले जाते. स्पेअर ड्युटीमध्ये दिवसभरात आगारात तिष्ठत ठेवून जबाबदारी सोपवली जाते. त्या दिवशी जर बसवर ड्युटी मिळाली नाही तर, महिला वाहकाला त्याचे वेतनही नाकारले जाते. त्यामुळेच अनेक जणींनी तेजस्विनीची सेवा सोडल्याची प्राथमिक माहिती महिला कंडक्टरने दिली.

काम तेवढेच पगार मात्र वेगळा : महानगरपालिकेच्या परिवहन सेवेमध्ये काम करणाऱ्या महिला कर्मचाऱ्यांनी तेजस्विनी सेवेमध्ये काम करताना आठ तासांची ड्युटी ही 12 तासांपर्यंत होते. त्याबद्दल मिळणारा मोबदला हा पुरुषांना वेगळा आणि महिलांना वेगळा असल्याचे सांगितले आहे. परिवहन सेवेमध्ये ओवर टाइम देखील दिला जातो. मात्र या महिलांना सुट्टीच्या दिवशी देखील काम केले जावे असा आग्रह धरला जातो याची खंत महिला कर्मचाऱ्यांनी व्यक्त केली.

ठेकेदार कोण याचा घेतला पाहिजे आढावा : कमाल नागरी कायद्यापेक्षा या महिला कर्मचाऱ्यांना मिळणारा मोबदला हा कमी आहे. हा मोबदला कमाल नागरिक कायद्यापेक्षा कमी असला तरी याबाबतीत कोणीही विचारणा करण्यास तयार नाही. या महिलांना अडचणीत मदत करण्यासाठी कोणीही नेता उभा नाही अशी खंत या महिला कर्मचाऱ्यांनी व्यक्त केली. आम्ही आमच्या मुलांचा संगोपन कसे करतो हे आम्हालाच माहिती महिलांनी नाव न घेण्याच्या अटीवर दिली.

हेही वाचा : K Chandrashekar Rao in Nanded : के. चंद्रशेखर राव यांची सभा उधळून लावण्याचा प्रयत्न करणाऱ्या मनसे कार्यकर्त्यांना पोलिसांनी घेतले ताब्यात