ठाणे - घोडबंदर रोडवरील कासारवडवली येथील इराणी चहाच्या दुकानामधील रेफ्रीजरेटर युनिटमध्ये अचानक आग लागल्याची घटना रविवारी घडली. यात या दुकानाला लागून असलेल्या घरातील तीघे किरकोळ होरपळले आहे. हे चहा शॉप बाबु लंबोरे यांच्या मालकीचे आहे.
संतोष चव्हाण (वय ३९ वर्षे), सुर्मला चव्हाण (वय ३२ वर्षे) व त्यांचा मुलगा तन्मय (वय १३ वर्षे) हे किरकोळ होरपळले. सुदैवाने हे कुटुंब वेळीच घराबाहेर पडल्याने मोठी दुर्घटना टळली. घटनास्थळी ठाणे महानगरपालिका अग्निशमन दलाने तात्काळ आगीवर नियंत्रण मिळवले. त्यामुळे पुढील अनर्थ टळला. आगीचे नेमके कारण कळु शकले नाही, अशी माहिती ठाणे महापालिकेचे आपत्कालीन कक्ष प्रमुख संतोष कदम यांनी दिली.
