घरगुती गॅस सिलिंडरचा काळाबाजार करणाऱ्या टोळीचा पर्दाफाश - महात्मा फुले चौक पोलीस

घरगुती ग्राहकांच्या सिलिंडरमधून गॅस काढून अवैधपणे व्यापारी सिलिंडर भरणाऱ्या तिघांना अटक करण्यात आली. अटक केलेल्या आरोपींकडून गॅस चोरी करण्याचे साहित्य व काही गॅस सिलिंडर जप्त करण्यात आले आहेत.

जप्त केलेले गॅस सिलिंडर

Published : Oct 6, 2019, 8:59 PM IST

ठाणे - घरगुती ग्राहकांच्या सिलिंडरमधून गॅस काढून अवैधपणे व्यापारी सिलिंडर भरणाऱ्या तिघांना अटक करण्यात आली. पाच जणांच्या टोळीतील दोघे पळून जाण्यात यशस्वी झाले. पोलिसांच्या या कारवाईमुळे घरगुती गॅसचा काळाबाजार करणाऱ्या टोळीचा पर्दाफाश झाला आहे.

कल्याण पश्चिमच्या भानू-सागर टॉकीज जवळ भारत गॅस सर्व्हिस सेंटर आहे. तेथे रोहित सूचक, रमाकांत पंठे, रमेश गुरव, दिनेश गॅब्रू आणि उमेश बनसोडे ही 5 जणांची टोळी चोरीछुपे गॅसचा काळाबाजार करत असल्याची माहिती पोलिसांना मिळाली.

हेही वाचा - 'पाकिस्तानवर अणुबॉम्ब टाकायचा असेल तर भाजपला मतदान करा'

महात्मा फुले चौक पोलिसांनी रविवारी सापळा लावला. यावेळी रमाकांत पंठे, रमेश गुरव, दिनेश गब्रू या त्रिकूटाला पोलिसांनी पकडले. मात्र, रोहित सूचक आणि उमेश बनसोडे या दोघांनी तेथून पळ काढला. अटक केलेल्या तिघांना सोमवारी कल्याण न्यायालयात हजर करण्यात येणार आहे.
अटक केलेल्या आरोपींकडून गॅस चोरी करण्याचे साहित्य व काही गॅस सिलिंडर जप्त करण्यात आले आहे. घरगुती वापराच्या गॅस सिलिंडरमधून सुमारे दोन ते तीन किलो वजनाचा गॅस काढून व्यावसायिक वापरासाठी असलेल्या सिलिंडरमध्ये भरून बाजारात विकला जाई. चोरलेला गॅस 1500 रुपयांना काळ्या बाजारात विकत असल्याची चर्चा परिसरात आहे.

हेही वाचा - 'पाकिस्तानवर अणुबॉम्ब टाकायचा असेल तर भाजपला मतदान करा'

Intro:kit 319Body:घरगुती गॅस सिलिंडरचा काळाबाजार करणाऱ्या टोळक्याच्या पर्दाफाश

ठाणे : घरगुती ग्राहकांच्या सिलिंडर्समधून गॅस काढून अवैधपणे व्यापारी सिलिंडर भरणाऱ्या पाच जणांच्या टोळक्यापैकी महात्मा फुले चौक पोलिसांनी तीन जणांच्या मुसक्या आवळल्या आहेत. यातील दोन भामटे पसार होण्यात यशस्वी झाले आहेत. पोलिसांच्या या कारवाईमुळे घरगुती गॅसचा काळाबाजार करणाऱ्या टोळक्याच्या पर्दाफाश झाला आहे.

मिळालेल्या माहितीनुसार कल्याण पश्चिमच्या भानू-सागर टॉकीजजवळील भारत गॅस सर्व्हिस सेंटर आहे. तेथे रोहित सूचक, रमाकांत पंठे, रमेश गुरव, दिनेश गॅब्रू आणि उमेश बनसोडे ही 5 जणांची टोळी चोरीछुपे गॅसचा गोरखधंदा करत असल्याची माहिती पोलिसांपर्यंत पोहोचली होती. घरगुती वापराच्या गॅस सिलिंडर्समधून सुमारे दोन ते तीन किलो वजनाचा गॅस पाईपमधून काढून व्यावसायिक वापरासाठी असलेल्या सिलिंडर्समध्ये भरून वैयक्तिक कमाईसाठी बाजारात विकत असत. जेव्हा महात्मा फुले चौक पोलिसांना या टोळक्याच्या गोरखधंद्याची माहिती कळताच रविवारी दुपारी सापळा लावला. या सापळ्यात रमाकांत पंठे, रमेश गुरव, दिनेश गब्रू असे तिघे अलगद अडकले. मात्र रोहित सूचक आणि उमेश बनसोडे या दोघांनी तेथून पळ काढला. अटक त्रिकुटाला सोमवारी कल्याण न्यायालयात हजर करण्यात येणार आहे.

अटकेत असलेल्या आरोपींकडून गॅस चोरी करण्याचे साहित्य जप्त करण्यात आले आहे. ही टोळी 1 रिकामा गॅस सिलिंडर भरण्यासाठी 10 ते 12 गॅस सिलिंडरमधून प्रत्येकी 2 ते 3 किलो गॅस चोरी करत होते. चोरलेला गॅस ही टोळी 1500 रुपयांना काळ्या बाजारात विकत होते. पोलिसांनी आरोपींच्या ताब्यातून काही गॅस सिलींडर हस्तगत केले आहेत. स्वयंपाक करण्यासाठी घरात वापरण्यात येणारा गॅस सिलिंडर लवकर संपल्यावर बऱ्याच गृहिणींची तक्रार असते की गॅस सिलिंडर हा अर्धाच भरलेला होता. पोलिसांच्या या कारवाईमुळे गॅस काढून त्याची विक्री होत असलयाचे आता उघड झाले आहे. त्यामुळे घरात येणारा गॅस हा पूर्णपणे भरलेल्या अवस्थेत येतो का हे पाहण महत्वाचे आहे. या प्रकरणी नामांकित गॅस कंपनी एजन्सीची चौकशी पोलिस करीत आहेत.

Conclusion:kalyan

For All Latest Updates