नवी मुंबई - नवी मुंबईतील पाम बीच रस्त्यावर एक विचित्र अपघात घडला आहे. सिवूडसच्या दिशेने सिग्नल तोडून जाणाऱ्या रिक्षाला वाचविण्याचा प्रयत्नात चारचाकी उलटल्याने हा अपघात घडला. यात 7 जण गंभीर जखमी झाले आहेत.
सिग्नल तोडून जात होती रिक्षा
पाम बीच मार्गावरील अक्षर सिग्नलवर बेलापूरकडून सीवूडच्या दिशेने जाणारी रिक्षा सिग्नल तोडून जात होती. त्याचवेळी भरधाव वेगाने एक कार ही वाशीकडून बेलापूरच्या दिशेने चालली होती. त्यावेळी कारच्या समोर सिग्न तोडून जाणारी रिक्षा अचानक आली. रिक्षाला वाचविण्याच्या प्रयत्नात चरचाकी चालकाचा वाहनावरील नियंत्रण सुटला. त्यानंतर चारचाकी वाहन डाव्या बाजूला असणाऱ्या दुभाजकाला धडकून चार-पाच वेळा उलटली. अपघातामुळे चारचाकीतील ऑइल रस्त्यावर आल्याने काहीवेळ वाहतुकीस अडथळा निर्माण झाला होता. अग्निशन विभागाने रस्त्यावर पाण्याचा फवारा मारून रस्ता वाहतुकीस योग्य बनवला.
सात जण जखमी
या अपघातात चारचाकी वाहनातील 5 जण व रिक्षातील दोन, असे सात जण गंभीर जखमी झाले आहेत. त्यांना जवळच्या रुग्णालयात दाखल करण्यात आले आहे.
हे ही वाचा - Corona Vaccination Thane : कोविड लसीकरणासाठी आरोग्य पथकाने केला 16 किलो मीटरचा पायी प्रवास
