ठाणे - महापालिकेच्या ग्लोबल कोविड सेंटर येथे नव्याने एका ठेकेदाराला टेंडर देण्यात आले. या टेंडरवरुनच इतर ठेकेदार आणि पालिकेतील अधिकाऱ्यांकडून दबाव टाकण्यात आला आणि ठेकेदाराकडून टेंडर काढण्यात आले. या ठेकेदाराची तक्रार मनसे जिल्हाध्यक्ष अविनाश जाधव यांच्याकडे करण्यात आली होती. या प्रकाराची चौकशी करण्यात यावी, अशी मागणी त्यांनी केली. अविनाश जाधव यांनी काल (सोमवारी) ठाणे पालिका आयुक्तांना भेटण्यासाठी आले होते. यावेळी त्यांनी माध्यमांशी संवाद साधला. ठाणे महानगरपालिकेचे कोविड सेंटरमधील कारभार हा नेहमीच गोंधळाचा राहिलेला आहे. कोविड रुग्णालयातून अनेक गैरप्रकारदेखील समोर आले आहेत.
अविनाश जाधव यांचा आरोप काय?
ठाणे मनपातील ग्लोबल आणि पार्किंग प्लाझा हे रुग्णालय सांभाळण्यासाठी हे टेंडर काढण्यात आले होते. यात तीन प्रकार होते. नॉरमल बेड, ऑक्सिजन बेड आणि आयसीयू बेड असे तीन प्रकार होते. आयसीयू बेडसाठी तीन कंपन्या आल्या होत्या. यात ऑल सर्व्हिसेस नावाच्या कंपनीने 2300 दर ठरवला. तर दुसरीकडे ओम कन्स्ट्रक्शनच्या खालिद शेख यांनी 4400 रुपये ठरवले. तर आणखी एका कंपनीने 5000 रुपये दर सांगितला असेल, असे त्यांनी सांगितले. मात्र, यानंतर टेंडर ऑल सर्व्हिसेसला हे टेंडर देण्यात आले. यानंतर त्याल्या सांगण्यात आले पुढच्या 10 दिवसांत तुम्ही आम्हाला साडेचार कर्मचारी द्यावेत. मात्र, सर्व्हे करण्यासाठी 8 दिवसांची मुदत द्यावी, त्यांनंतर आम्ही तुम्हाला कर्मचारी पुरवायला सुरुवात करू, अशी विनंती ऑल सर्व्हिसेसकडून करण्यात आली. यानंतर त्यांना सांगण्यात आले की, ठाणे मनपातील अतिरिक्त आयुक्त यांनी त्यांना सांगितले की, आमच्या टेंडरमध्ये एक अट अशी आहे की आम्ही हे टेंडर वाटून देऊ शकतो. मात्र, यासाठी ऑल सर्व्हिसेसकडून नकार देण्यात आला. याबाबत त्यांच्यावर ठाण्यातील एका नेत्याचा दबाव आहे, असा दावाही अविनाश जाधव यांनी केला.
हेही वाचा - पत्नीच्या छळाला कंटाळून वनरक्षक पतीची आत्महत्या; लग्ना आधीच्याही खर्चाचा मागायची हिशोब
यानंतर ऑल सर्व्हिसेसकडून हे टेंडर वाटण्यासाठी होकार देण्यात आला. याप्रकरणी ठाणे मनपाच्या अतिरिक्त आयुक्तांच्या दालनात बैठक झाली. याबैठकीला ऑल सर्व्हिसेसचे प्रतिनिधी, खालिद शेख आणि एक गोरे आडनाव असलेली व्यक्ती हजर होती. यावेळी गोरे आणि खालिद यांनी आम्ही या दरात काम करणार नाही, असे सांगत विरोध दर्शविला. यानंतर ऑल सर्व्हिसेस कपंनीला सांगण्यात आले की, मी या दरात काम करू शकत नाही. तुम्ही हे टेंडर दुसऱ्या कुणाला तरी द्या, असे लिहून देण्याचे सांगण्यात आले. हे पत्र त्यांनी लिहून दिलं. त्यावर स्वाक्षरी देखील करण्यात आली. याप्रकारे जे काम 2300 रुपये दरात होणार होते, त्याच्याकडून हे लोक 4400 रुपये दराने हे लोक काम करुन घेणार होते. याचा अर्थ यात खूप मोठा भ्रष्टाचार झाला आहे, असा आरोप मनसे जिल्हाध्यक्ष अविनाश जाधव यांनी केला आहे. ठाण्यात कोविड रुग्णालय उभारणी सेवा पुरवणे आणि देखभाल करताना त्यात घोटाळा झालाच आहे. सोबत कामगार आणि डॉक्टरांच्या मानधनातही घोटाळा झाला असल्याचा आरोप अविनाश जाधव यांनी केला.
पालिका अधिकाऱ्यांनी केली फायद्यासाठी डोळेझाक -
मागील दीड वर्षांमध्ये ठाणे महानगरपालिकेच्या विविध कामांमध्ये मोठा घोटाळा झाला असल्याच्या अनेक तक्रारी महापालिकेच्या आयुक्तांकडे आल्या. या तक्रारी लेखी स्वरुपात असल्या तरी या तक्रारींकडे मुद्दामून डोळेझाक करण्यात आले. राजकीय दबाव आणि त्यातून होणारा स्वतःचा फायदा यासाठी ठाण्यातल्या नागरिकांचे करोडो रुपये मलिदा स्वरुपात गमन केले असल्याचा आरोपही त्यांनी केला.
