ठाणे - मागील चार ते पाच दिवसांपासून पडणाऱ्या पावसाने काही वेळसाठी विश्रांती घेतीली असली तरी मध्य रेल्वेवर अजूनही पावसाचा परिणाम असल्याचे दिसून येत आहे.
रेल्वे वाहतूक उशीरा होत असल्याने प्रवाशांची झालेली गर्दी
ठाणे रेल्वे स्थानकांत आज सकाळपासून चाकरमानी आणि रेल्वे प्रवाशांची मोठी गर्दी पाहायला मिळाली आहे. आज देखील मध्यरेल्वेची वाहतूक १० ते १५ मिनिटे उशिरा धावत आहे. यामुळे रेल्वे स्थानकामध्ये प्रवाशांची मोठी गर्दी झाली आहे. स्थानकात चेंगराचेंगरी होऊ नये. तसेच कोणताही अनुचित प्रकार घडू नये, यासाठी जीआरपीएफ, आरपीएफ रेल्वे पोलिसांचा मोठा बंदोबस्त तैनात करण्यात आला आहे. तर रेल्वेत चढताना गर्दीमुळे दोन महिला गुदमरून चक्कर येऊन पडल्याच्या घटना देखील घडल्या आहेत.
