ठाणे : त्यांनी आयुक्तांना दिलेल्या पत्रात, एका शिपायाने दाखल्यासाठी 500 रुपयांची लाच मागितली, म्हणून आपण त्याला तात्काळ घरी बसविले. परंतु ठाणे महापालिका हद्दीत 1 फेब्रुवारीपासून मुख्यमंत्री शिंदे आणि त्यांच्या परिवारातील सदस्यांचे वाढदिवसाच्या अभीष्टचिंतनाचे बॅनर लावले गेले आहेत. त्यामुळे शहराच्या अंदाजे १००-१५० कोटीच्या सुशोभीकरणाच्या खर्चावर शहराचे विद्रुपीकरण झालेले आहे.
आयुक्तांना दिलेले पत्र : पण आपण त्या रस्त्याने मुख्यालयात येता, तरी शहराचे विद्रुपीकरण आपणास दिसत नाही? आपण अंधत्व झाल्यासारखे का वागत आहात? तसेच मुख्यालयातील महापौर कार्यालय, राजकीय पक्ष कार्यालय, महापौर निवास पुन्हा उघडून बसणारे माजी महापौर आणि राजकीय पदाधिकारी यांचेवर गुन्हे का दाखल करीत नाहीत? त्यांच्याकडून ९ मार्च २०२२ पासून आजपर्यंत दालनावर झालेला खर्च का वसूल केलेला नाही? येथील कर्मचारी आजही त्यांचे राजकीय कामे का करत आहेत? ह्या कर्मचारी वर्गास बक्षिसी म्हणून 2-2 शासकीय निवासस्थाने आणि पात्रता नसतानाही प्रभारी कार्यभार म्हणून देण्यात आलेले आहेत का?
राजकीय दबावाने अंधत्व : आपण अंध नसाल तर जनसंपर्क विभाग, अतिक्रमण विभाग आणि महापालिका सचिव विभागामधील सबंधित अधिकारी यांच्या त्यांनी जाणीवपूर्वक केलेल्या स्वत:च्या शासकीय कर्तव्यात कसूरी करीता आपण शिपायावर केलेल्या कारवाईप्रमाणेच, या सर्व सबंधित विरोधात निलंबनाची कारवाई का करीत नाही ? जर आपण सत्ताधारी यांचे बाहुले नसाल, तर ठाणे महापालिका आयुक्त तथा प्रशासक म्हणून आपली पारदर्शी भूमिका कडक कारवाई आणि कार्यवाही करावी. अन्यथा आपण जाहिर करावे की, आपणास राजकीय दबावाने अंधत्व आलेले आहे. सत्ताधारी पक्षाचे मुख्यमंत्री असल्याने आपण आणि ठाणे महापालिका प्रशासन अपंग झालेले आहात का? अशी मागणी त्यांनी आयुक्तांना दिलेल्या पत्रात केली आहे.
प्रशासनावर दबाव कुणाचा : ठाणे महानगरपालिकेच्या प्रशासनाकडून विरोधी पक्षात असलेल्या नेत्यांच्या पोस्टरवर कारवाई तर होते. शिवाय त्यांच्यावर प्रशासन गुन्हे देखील दाखल करते. अशाच प्रकारची कारवाई सर्वांना समानता दाखवणारी असावी, सर्वच अवैध पोस्टर्स बॅनर वर कारवाई करून गुन्हे दाखल करावे, अशी मागणी संजय घाडीगावकर यांनी केली आहे.
पालिका मुख्यालयाला घेरल पोस्टरने : अवैध पोस्टर्स आणि बॅनर स्वर कारवाई करणाऱ्या महापालिकेच्या मुख्यालयालाच अवैध पोस्टर्स आणि बॅनरने आता घेतला आहे. मुख्यालयाकडे जाणाऱ्या येणाऱ्या दोन्ही रस्त्यांवर अवैध प्रकारे पोस्टर्स लागलेले आहेत. मुख्यालयाच्या समोर हे अवैध लागलेले पोस्टर तातडीने हटवून त्याच्यावर कारवाई करून दाखवा. असे आवाहन विरोधक करत आहेत.
शेकडो कोटींची सुशोभीकरणाची कामे : मुख्यमंत्री एकनाथ शिंदे यांनी संपूर्ण शहर घरामध्ये सुशोभीकरणाला चांगला वाव दिला आहे. त्यासाठी पालिका प्रशासनाला रंगरंगोटी करून सुशोभीकरणाचे आदेश दिले आहेत, ही शहरभरामध्ये काम सुरू असताना शहरातील पूल शहरातील सरकारी कार्यालयाच्या भिंती या सुंदर चित्रांनी रंगवल्या जात आहेत. यासाठी जवळपास दीडशे कोटींचा खर्च देखील केला जात आहे.
