नवी मुंबईत म्युकरमायकोसिसचे 29 रुग्ण ; 4 जणांचा मृत्यू

नवी मुंबई महापालिका क्षेत्रातच १४ रुग्णांसह २९ रुग्णांना म्युकरमायकोसिसची बाधा झाल्याची माहिती समोर आली आहे. दरम्यान या रोगासाठीच्या औधषांच्या पुरवठ्यामध्ये गैरप्रकार न होता योग्य वापर व नियोजन करण्यात यावं. कोरोनातून बरे झालेल्या नागरिकांना म्युकरमायकोसिस अथवा अन्य काही लक्षणं दिसल्यास याची माहिती दूरध्वनीवरुन घेण्यात यावी.

नवी मुंबई - शहरात कोरोना पाठोपाठ आता म्युकरमायकोसिस या आजाराचा फैलाव वाढला आहे. नवी मुंबईत या आजाराचे तब्बल 29 रुग्ण आढळल्याची माहिती समोर आली आहे. या 29 रुग्णांपैकी 14 रुग्ण हे नवी मुंबई महापालिका क्षेत्रातील आहेत. तर इतर 15 रुग्ण नवी मुंबई बाहेरचे आहेत. म्युकरमायकोसिसने बाधित रुग्णांपैकी 4 जणांचा मृत्यू झाला असल्याची माहिती महापालिकेचे आयुक्त अभिजित बांगर यांनी दिली आहे.

राज्यात सध्या कोरोनासोबत म्युकरमायोकोसिस या बुरशीजन्य संसर्गाचाही प्रादुर्भाव वाढला आहे. त्या प्रमाणे ठाणे जिल्ह्यातही या ब्लॅक फंगसचे रुग्ण आढळून येत असून त्यांच्या संख्येत मोठ्या प्रमाणात वाढ होत आहे. नवी मुंबई महापालिका क्षेत्रातच १४ रुग्णांसह २९ रुग्णांना म्युकरमायकोसिसची बाधा झाल्याची माहिती समोर आली आहे. दरम्यान या रोगासाठीच्या औधषांच्या पुरवठ्यामध्ये गैरप्रकार न होता योग्य वापर व नियोजन करण्यात यावं. कोरोनातून बरे झालेल्या नागरिकांना म्युकरमायकोसिस अथवा अन्य काही लक्षणं दिसल्यास याची माहिती दूरध्वनीवरुन घेण्यात यावी. म्युकरमायकोसिसचा प्रादुर्भाव कोरोना रुग्णांमध्ये वाढत आहे. या रुग्णांसाठी स्वतंत्र व्यवस्था करावी, असे स्पष्ट निर्देश सरकारकडून देण्यात आले आहेत.

नवी मुंबईत कोणत्या भागात किती रुग्णतेरणा – 10, MGM वाशी – 1, अपोलो – 9, रिलायन्स – 1, डी वाय पाटील – 5, हीरानंदनी फोर्टिस- 1, एमजीएम बेलापूर – 1म्युकरमायकोसिसची लक्षणे कोणती?ताप, सर्दी, नाकातून सतत पाणी वाहणे, डोकेदुखी, श्वास घेताना त्रास जाणवणे अशा प्रकारची लक्षणे जाणवतात. तसचे कोरोना झाल्यानंतर त्या बाधित रुग्णास म्युकरमायकोसिस या आजाराचा धोका वाढला आहे. त्यामुळे या आजाराची लक्षणे जाणवली की लगेच उपचार घ्यावेत, असे आवाहन आयुक्त अभिजित बांगर यांनी केले आहे.