ठाणे - बासरी उत्सवाच्या बाराव्या पर्वाची सुरुवात पंडित हरिप्रसाद चौरसिया यांचे ज्येष्ठ शिष्य बासरीवादक विवेक सोनार यांच्या नेतृत्वाखाली ‘फ्लूट सिम्फनी’ने झाली. यामध्ये ८० बासरीवादक आणि २० व्हायोलीनवादक तसेच तबलावादक उत्साद फझल कुरेशी आणि व्हायोलीनवादक मिलिंद रायकर सहभागी झाले होते.
ठाण्यात बाराव्या बासरीवादन महोत्सावाचा सोहळा उत्साहात पार पडला. या कार्यक्रमात संगीत मार्तंड पंडित जसराज यांना शास्त्रीय संगीतातील ७ दशकांच्या अतुलनीय योगदानासाठी गुरुकुल प्रतिष्ठानतर्फे पुरस्काराने सन्मानित करण्यात आले. पंडित जसराज यांना बासरीवादक पंडित हरिप्रसाद चौरसिया यांच्या हस्ते ‘फ्लूट लिजेंड पंडित हरिप्रसाद चौरसिया पुरस्कार’ प्रदान करण्यात आला. यानंतर बासरीवादक राकेश चौरसिया, शशांक सुब्रमण्यम, तबलावादक सत्यजीत तळवळकर आणि मृदंगवादक जयचंद्र राव केयु यांच्यामध्ये ‘फ्लूट जुगलबंदी’ रंगली.
हेही वाचा - ठाण्यात इलेक्ट्रिक दुकानाला भीषण आग, लाखोंचा माल जळून खाक
बाराव्या ‘बासरी उत्सवा’ची सांगता पद्मभूषण पंडित हरिप्रसाद चौरसिया यांच्या बासरीवादनाने झाली. यावेळी डॉ. काशिनाथ घाणेकर नाट्यगृहामध्ये रसिक प्रेक्षकांनी मनमुराद आनंद लुटला.
हेही वाचा - एकांकिका स्पर्धेतून युवकांना टीव्ही इंडस्ट्रीतील रोजगाराच्या संधी उपलब्ध होतात - शर्मिला ठाकरे
