ठाणे : गेल्या वर्षी शिवसेना भाजप युती सरकार सत्तेवर आल्याबरोबर कोरोनाचे ग्रहण सुटल्याचे घोषीत केले आणि धूमधडाक्यात दहीहंडी उत्सव साजरा करण्यात आला. तर यंदा गोविंदाना श्रावण अधिक मास ५९ दिवसाचा आल्याने, गोविंदाच्या सराव पथकात आनंदाचे आणि उत्साहाचे वातावरण आहे. या वाढीव मुदतीमध्ये जास्तीजास्त सराव करून जास्तीत जास्त बक्षीस पटकावण्याचा मानस ठाण्यातल्या गोविंदा पथकांनी व्यक्त केला आहे.
नियमाचे पालन करून उत्सव साजरा : ठाण्यात देखील गुरूपौर्णिमा पासून गोविंदाच्या पथकांने सरावासाठी जोर धरला आहे. ठाणे शहरात गेली २८ वर्ष नावलौकिक असलेल्या ठाण्याचा राजाच्या गोविंदा पथकाशी सामाजिक कार्यकर्ते जोडले गेले आहेत. गोविंदा हा उत्सव म्हणून साजरा करतो. त्यामुळे राजकीय वातावरणाचा कोणताही परिणाम होणार नाही असा विश्वास, ठाण्याचा राजा गोविंदा पथकाचे राकेश यादव यांनी व्यक्त केला आहे. तर मुंबई उच्च न्यायालयाच्या आदेशानुसार १४ वर्षाखालील मुलांना घेत नसून, न्यायालयाच्या नियमाचे आधीन राहून उत्सव साजरा करत असल्याचे राकेश यादव यांनी सांगितले.
दहीहंडीची वेळ वाढविण्यात यावा : यंदा दहीहंडी उत्सवाची वेळ रात्री १० ऐवजी एक तास वाढवून मिळावी अशी मागणी शासनाकडे दहीहंडी समन्वय समितीने केली आहे. गोविंदाना शहरात ठिकठिकाणी असणाऱ्या हंडीपर्यंत पोहचण्यास रस्त्यावर उत्सवाच्या काळात होणाऱ्या गर्दीमुळे शक्य होत नाही. त्यामुळे दहीहंडीची वेळ वाढविण्यात यावी अशी मागणी केली असल्याचे सांगितले. महाराष्ट्र राज्यात यावर्षी साजरा होणारा दहीहंडी उत्सव व समस्त तरुणवर्ग व बाळगोपांचा आवडता सण आहे. समस्त बालगोपाळांच्या कौशल्याने मुले व त्यांच्या उंच थरामुळे सदर उत्सवाला आंतरराष्ट्रीय ओळख मिळाली. दहीहंडी उत्सव पाहण्यासाठी परदेशी पर्यटक मोठ्या प्रमाणावर महाराष्ट्रात येतात.
राज्यभरातील गोविंदा पथकांच्या प्रलंबित मागण्या
१) बालगोपाळांचा विमा गेल्या वर्षी आपल्या महाराष्ट्र शासनातर्फे विमा उतरवला होता. यावर्षी सुद्धा समस्त बालगोपांचा विमा महाराष्ट्र शासनातर्फे उतरवण्यात यावा.
२) दहीहंडी यास साहसी खेळाचा दर्जा महाराष्ट्र शासनाने दिला आहे. परंतु याबाबत शासनाकडून पुढे काही उपाययोजना झाल्या नाहीत. तरी सदर साहसी खेळासाठी आपण पुढाकार घेऊन महाराष्ट्र शासन व दहीहंडी पथक यांच्या समन्वय साधून या साहसी खेळासाठी स्पर्धा आयोजन कराव्यात.
३) दहीहंडी आयोजन करण्यासाठी आयोजकांवर काही जाचक अटी आहेत, त्याबाबत थोडी शिथिलता आणावी.
४) दहीहंडी उत्सवासाठी महाराष्ट्रातील समस्त गोविंदा पथक जवळजवळ महिना/ दीड महिना सराव करतात. परंतु वेळेअभावी त्यांचे कौशल्य हे जास्तीत जास्त ४ ते ५ दहीहंडी आयोजनाखाली दाखवू शकतात. तरी सदर उत्सवाची वेळ आपण रात्री १२.०० पर्यंत केल्यास सर्व गोविंदा पथक हे जास्तीत जास्त दहीहंडीखाली पोहोचू शकतील.
५) महाराष्ट्र शासनातर्फे गोपालकाला या दिवशी सार्वजनिक सुट्टी जाहीर करावी.
६) गोविंदा पथक व आयोजक यांच्यावर असलेले गुन्हे मागे घेण्यात यावे.
हेही वाचा -
- Ajit pawar on reservation to govinda मग स्पर्धा परीक्षा देणारे काय करणार, गोविंदांना आरक्षणावर अजित पवारांचा सवाल
- Pro Govinda Competition मुख्यमंत्र्यांनी घोषणा केलेल्या प्रो गोविंदा स्पर्धेला विद्यार्थ्यांचा विरोध
- Mumbai Govinda Death मुंबईत दहीहंडी दरम्यान जखमी झालेल्या गोविंदाचा मृत्यू, पाहा व्हिडिओ
