ठाणे- मेट्रो रेल्वेच्या कामामुळे मुलुंड चेकनाका ते ओवळ्यापर्यंतच्या हायवेवर पत्रे लावण्यात आलेले आहे. तसेच सर्व्हिस रस्ते व हायवेचा काही भाग खोदण्यात आलेला आहे. त्यामुळे सर्व रस्ते अरूंद झालेले असून संपूर्ण मुलुंड टोलनाक्यापासून घोडबंदर रस्त्यापर्यंत वाहतूक कोंडी होत आहे.
भारतीय राष्ट्रीय काँग्रेसचे गटनेते अॅड. विक्रांत चव्हाण
त्यातच ठाणे महानगरपालिकेनेसुद्धा ड्रेनेजच्या कामासाठी सर्व्हिस रस्ते बऱ्याच ठिकाणी खोदलेले आहेत. पावसाळ्याच्या तोंडावर व ऐन पावसाळ्यात हे पत्रे सरकवणे आवश्यक आहे. रस्त्याची रूंदी न वाढविल्यास व मुख्य हायवे व सर्व्हिस रस्त्यावरील खड्डे न बुजविल्यास पावसाळ्यामध्ये ठाणेकरांना प्रचंड वाहतूक कोंडीला सामोरे जावे लागेल, असे भारतीय राष्ट्रीय काँग्रेसचे गटनेते अॅड. विक्रांत चव्हाण यांनी पत्रकार परिषदेत सांगितले.
