ठाणे Bank Account Fraud : नौपाडा पोलीस ठाण्यात लोकांच्या कागदपत्रांवर शेकडो बँकांची बनावट खाती उघडून त्यातून कोट्यवधी रुपयांचा व्यवहार केल्याचा गुन्हा दाखल करण्यात आला होता. या व्यवहाराबाबत दाखल दोन गुन्ह्यात अजूनपर्यंत कुणालाही अटक करण्यात आलेली नव्हती. नौपाडा पोलीस ठाण्यात दाखल गुन्ह्यात संजय सिंग, अमोल आंधळे उर्फ अमन, केदार समीर दिघे, जितेंद्र पांडे यांचा समावेश असून पोलीस या आरोपींचा शोध घेत होते. अखेर पहिली अटक करून आरोपीला गजाआड करण्याची कामगिरी नौपाडा पोलिसांनी केली. आता या अटकेनंतर मात्र अनेक गोष्टींचा खुलासा आणि अनेक नावांचा उलगडा होण्याची शक्यता आहे. तर एवढ्या मोठ्या रक्कमेची देवाण-घेवाण बाबतच्या कार्यपद्धतीचा खुलासा होण्याची शक्यता आहे. या प्रकरणात ठाणे गुन्हे शाखा सायबर सेल नौपाडा पोलीस हे एकत्रितरीत्या तपास करत आहेत.
गुन्हे तपास सायबर विभागाकडे : नौपाडा आणि श्रीनगर पोलीस ठाण्यात दाखल गुन्ह्यांचा तपास सायबर सेल विभागाकडे आहे. श्रीनगर पोलीस ठाण्यात गेटवे पे कंपनीच्या सॉफ्टवेअरमध्ये घुसखोरी करून तथाकथित व्यवहार आरोपींनी केला. तर नौपाडा पोलीस ठाण्यात सरकारच्या वतीने बोगस दस्तावेजावर बँक खाती उघडून आरोपींनी व्यवहार करत रक्कम परदेशात पाठवली.
अमोल आंधळे फरार आरोपी : नौपाडा पोलीस ठाण्यात दाखल गुन्ह्यातील पाच आरोपींपैकी एक आरोपी अमोल मनोहर आंधळे उर्फ अमन याला बुधवारी (११ ऑक्टोबर) रोजी रात्री अटक केली. आरोपी अमोल आंधळे हा नौपाडा पोलीस ठाण्याच्या गुन्ह्यात फरारी होता. तो नौपाडा परिसरात फिरताना आढळला असता पोलिसांनी त्याला अटक केली. गुन्ह्याच्या अनुषंगाने त्याची चौकशी करण्यात येत असल्याची माहिती नौपाडा पोलिसांनी दिली. तर याच गुन्ह्यातील फरारी अन्य चार आरोपींचा शोध सुरू असल्याची माहिती पोलिसांनी दिली. बनावट दस्तावेजांच्या आधारावर बॅंक खाती उघडण्याची प्रकरणे यापूर्वीही उघडकीस आली आहेत. असंच एक प्रकरण जुलै, 2022 रोजी मुंबईत उघडकीस आलं होतं. या खात्यांचा वापर हवाला रकमेची अफरातफर करण्यासाठी केला जात होता. आर्थिक गुन्हे शाखेनं मोठ्या शिताफीनं या प्रकरणात 3 आरोपींना अटक केली होती.
हेही वाचा:
