सातारा - लोकसभा पोटनिवडणुकीत पराभूत उमेदावर उदयनराजे भोसले यांचे लवकरच पुनर्वसन करण्यात येणार असल्याची माहिती माढ्याचे भाजप खासदार रणजितसिंह नाईक निंबाळकर यांनी दिली. उदयनराजे यांना लवकरच राज्यसभेवर घेण्यात येणार असल्याचेही संकेत त्यांनी सांगितले आहे.
माढा लोकसभा मतदारसंघात झालेल्या नुकसानीची पाहणी करण्यासाठी खासदार रणजितसिंह नाईक निंबाळकर माढा तालुक्यात आले होते. त्यावेळी पत्रकारांनी विचारलेल्या प्रश्नाला त्यांनी उत्तर देताना बोलत होते.
एप्रिल पर्यंत मोहिते पाटलांसाठी गोड बातमी -
राष्ट्रवादी काँग्रेसला सोडचिठ्ठी देत भाजपमध्ये दाखल झालेल्या अकूलजच्या मोहिते पाटील यांच्यासाठी देखील लवकरच गोड बातमी मिळणार आहे. मात्र, मोहिते पाटलांना या गोड बातमीसाठी एप्रिलपर्यंत वाट पहावी लागणार आहे. एप्रिल पर्यंत मोहिते पाटील यांचे देखील पुर्नवसन करण्यात येणार असल्याचे माढ्याचे खासदार रणजितसिंह नाईक निंबाळकर यांनी सांगितले.
