सोलापूर - शहर आणि जिल्ह्यात बुधवारी (दि. 19 मे) एकूण 1 हजार 812 रुग्ण बरे झाले तर 2 हजार 158 नवीन रुग्ण आढळले आहेत. कोरोनामुळे आज (बुधवारी) जिल्ह्यात 31 रुग्णांचा उपचारा दरम्यान मृत्यू झाला आहे. शहर आणि जिल्ह्यात 18 हजार 2 सक्रिय रुग्ण आहेत. त्यांच्यावर विविध रुग्णालयात उपचार सुरू आहेत.
सोलापूर ग्रामीण अहवाल
सोलापूर ग्रामीण भागात आरोग्य प्रशासनाने 8 हजार 688 जणांची तपासणी केली. त्यामध्ये 2 हजार 99 जणांना कोरोनाची लागण झाली आहे. लागण झालेल्यांमध्ये 1 हजार243 पुरुष आणि 856 स्त्रियांचा समावेश आहे. सोलापूर जिल्ह्यातील ग्रामीण भागात बुधवारी 1 हजार 774 रुग्णांनी कोरोनावर मात केली आहे. ग्रामीण भागातील 23 जणांचा आज उपचारादरम्यान मृत्यू झाला आहे. मृतांमध्ये 13 पुरुष व 10 स्त्रियांचा समावेश आहे. 17 हजार 4 सक्रिय रुग्ण ग्रामीण भागात आहेत.
शहरातील स्थिती
सोलापूर शहर आरोग्य प्रशासनाने वेगवेगळ्या उपाययोजना करत कोरोना रुग्ण संख्या आटोक्यात आणली आहे. बुधवारी (दि. 19 मे) महानगरपालिका आरोग्य प्रशासनाच्या वतीने सोलापूर शहरात 2 हजार 436 जणांची कोविड तपासणी केली. त्यामध्ये 59 जणांना कोरोना विषाणूची लागण झाली आहे. लागण झालेल्यांमध्ये 35 पुरुष आणि 24 स्त्रिया आहेत. सोलापुरात बरे होण्याऱ्या रुग्णांच्या संख्येत घट झाली आहे. बुधवारी 38 जणांनी कोरोनावर मात केली आहे. सोलापूर शहरात आज (बुधवारी) 8 कोरोनाग्रस्तांचा उपचारा दरम्यान मृत्यू झाला आहे. मृतांमध्ये 6 पुरुष आणि 2 स्त्रिया आहेत. सोलापूर शहरात विविध रुग्णालयात 998 रुग्ण सक्रिय असून त्यांवर उपचार सुरू आहेत.
हेही वाचा - पुणे येथील अल्पवयीन मुलीचे अपहरण, सोलापुरात आरोपीला अटक
