सोलापूर : या बाबत सविस्तर वृत्त असे की,लातूर येथील एका अल्पवयीन मुलीसोबत सोहेल बागवानचे काही दिवसांपासून प्रेम संबंध होते. दोघेही लग्न करणार होते. परंतु त्यांच्या लग्नास सोहेल चे वडील अफजल बागवान यांचा विरोध होता. (Pandharpur Murder Case) दरम्यान, अल्पवयीन मुलगी व तिचा भाऊ शुक्रवारी सकाळी लातूर येथून पंढरपुर येथे आले. तेव्हा त्यांनी पंढरपूर येथील नवीन एसटी बस स्थानक समोर सोहेल बागवान यांची भेट घेतली. (Son Arrested in Murder Case) त्यानंतर अल्पवयीन मुलगी आणि तिच्या भावाने तहसील कार्यालया जवळ जावून अफजल बागवान यांची भेट घेवून कासेगाव येथे मामाकडे जायचे आहे असे खोटे सांगून रिक्षात बसवून नेले. (Father Body Burnt With Petrol in Pandharpur)
असा केला खून : पंढरपूरपासून काही अंतरावर गेल्यानंतर मध्येच रिक्षा थांबवून अफजल यांच्या डोळ्यात चटणी टाकली. दरम्यान रस्त्यात दबा धरून बसलेल्या सोहेल बागवान याने वडील अफजल बागवान यांच्या अंगावर पेट्रोल टाकून पेटवून दिले. यावेळी सोबत असलेल्या अल्पवयीन मुलीने व तिच्या भावाने अफजल बागवान यांचे हातपाय बांधून डोक्यात दगड घालून हत्या केली. याप्रकरणी पंढरपूर तालुका पोलीस ठाण्यात गुन्हा दाखल करण्यात आला आहे.
