कराड (सातारा) - कराड-चांदोली मार्गावर पाचवड फाटा (ता. कराड) हद्दीतील साई मंगल कार्यालयासमोर दोन दुचाकींची समोरासमोर धडक होऊन झालेल्या अपघातात एका दुचाकीस्वाराचा मृत्यू झाला तर एक गंभीर जखमी झाला.
राजेंद्र यशवंत शेटे (वय 49 वर्षे, रा. येळगाव, ता. कराड), असे मृताचे नाव असून जखमीचे नाव समजू शकले नाही. राजेंद्र शेटे हे दुपारी अडीचच्या सुमारास दुचाकीवरून कराडकडे येत होते. पाचवड फाटा हद्दीतील साई मंगल कार्यालयासमोर त्यांच्या दुचाकीची आणि समोरून आलेल्या दुचाकीसह समोरा-समोर धडक झाली. या अपघातात राजेंद्र शेटे यांचा जागीच मृत्यू झाले. तर एक जण गंभीर जखमी झाला. जखमीला उपचारासाठी रूग्णालयात दाखल करण्यात आले असून रात्री उशीरापर्यंत कराड ग्रामीण पोलीस ठाण्यात नोंद करण्याची कार्यवाही सुरू होती.
हेही वाचा - डोळ्यात मिरचीपूड टाकून दांडक्याने शिक्षकाला जबर मारहाण; चौघांवर गुन्हा
हेही वाचा - सातारा : पृथ्वीराज चव्हाणांच्या प्रयत्नातून रेठरे बुद्रुक येथील नवीन पुलासाठी 45 कोटींची तरतूद
