सातारा - स्वार्थासाठी सातारा जावळीचे राष्ट्रवादीचे आमदार शिवेंद्रराजे भोसले हे भाजपात आले आहेत. आता भाजपमधील कार्यकर्त्यांनी त्यांच्या विरोधात बोलण्यास सुरवात केली आहे. आयात उमेदवार नको, शिवेंद्रराजे हटाव सातारा भाजप बचाव अशा घोषणा दिल्या जात आहेत.
इतकी वर्षे इमान इतबारे पक्षाची सेवा करायची आणि आयता मेवा खायला हे येणार का ? असा प्रश्न ही उपस्थित केला जात आहे. भाडोत्री उमेदवारी नही चलेगी म्हणत सातारा भाजपमधील खदखद बाहेर पडली आहे. राष्ट्रवादीमधून सत्ता उपभोगून पुन्हा सत्तेसाठी इकडे येत असतील तर आम्ही आजवर जे काम केलं त्याची ही किंमत असेल तर ते चालणार नाही. असं म्हणत शिवेंद्रराजे यांच्या उमेदवारीला विरोध करत दीपक साहेबराव पवार यांच्या नावे उमेदवारीचा ठराव पास करण्यात आला आहे.
ज्यांच्या विरोधात कुणी उभे राहण्यास तयार नव्हते, त्यावेळी दीपक पवार पराभव दिसत असतानाही त्यांच्या विरोधात उभे राहिले. पक्ष बांधणी केली. तळागाळातील कार्यकर्त्यापर्यंत पोहचून त्यांच्या समस्या सोडवल्या आणि ऐनवेळी जर उमेदवार बदलला तर याचे परिणाम वाईट होतील. असे म्हणत दीपक पवार यांनाच उमेदवारी दिली जावी असा प्रस्ताव ठेवण्यात आला.
साताऱ्यात भाजपसमोर मोठे आव्हान निर्माण झाले आहे. भाजप सेनेसाठी ही धोक्याची घंटा असणार आहे. ह्याची सुरूवात थेट राष्ट्रवादीच्या बालेकिल्यातून झाली असून, वणव्याच रूप कधी घेईल सांगता येत नाही. त्यामुळे राज्यातील अनेक पक्ष बद्दलणाऱ्या नेत्यांना याचा दणका देखील बसू शकतो.
