मौका सभी को मिलता है, अमोल कोल्हेंचा युतीला इशारा

एकदा चूक झाली, ती सुधारण्याची संधी 5 वर्षांनी येते. परंतु, तीन महिन्यांपूर्वी झालेल्या लोकसभा निवडणुकीत झालेली चूक सुधारण्याची संधी 6 महिन्यातच आली आहे, असे अमोल कोल्हे यांनी सांगितले.

अमोल कोल्हे

Published : Oct 15, 2019, 9:53 AM IST

सातारा - जनता 2014 ला जाहिराती बघून फसली. जाहिराती बघून तेल आणि साबण घ्यायचा असतो, मतदान करायचे नसते, हे आता जनतेच्या लक्षात आले आहे. युतीने कर्जमाफी केली. तीही सरसकट नाही, तर 66 अटी घालून केली. कर्जमाफीची पोकळ घोषणा करून हे सरकार शेतकऱ्यांना खेळवतंय. परंतु, याद राखा...मौका सभी को मिलता है! असा इशारा राष्ट्रवादीचे खासदार डॉ. अमोल कोल्हे यांनी दिला.

ढेबेवाडी येथे पाटण मतदार संघातील महाआघाडीचे उमेदवार सत्यजितसिंह पाटणकर यांच्या प्रचार सभेत अमोल कोल्हे बोलत होते. 1 हजार 800 कोटींचा विकास झाल्याचे कागदावर सांगू नका. प्रत्यक्षात विकास दाखवा, असा शंभूराजेंना टोला मारून श्रीनिवास पाटील, सत्यजितसिंह पाटणकर या दोघांना विजयी करण्याचे आवाहन कोल्हेंनी केले.

हेही वाचा - महाराष्ट्रात सरकारची कोट्यावधींच्या घोटाळ्यांची उड्डाणे; अनंत गाडगीळांचा हल्लाबोल

यावेळी कोल्हे म्हणाले, एकदा चूक झाली, ती सुधारण्याची संधी 5 वर्षांनी येते. परंतु, तीन महिन्यांपूर्वी झालेल्या लोकसभा निवडणुकीत झालेली चूक सुधारण्याची संधी 6 महिन्यांतच आली आहे. महाराष्ट्रात रोजगार निर्मिती थांबली आणि देशाचा विकास दर घसरत चालला आहे. हीच का सरकारची उभारी? माझ्यासमोर कोणी पैलवानच नाही, असे मुख्यमंत्री म्हणतात. मग पंतप्रधान, अमित शाह, योगी आदित्यनाथ यांच्या सभा का घेत आहात, असा सवाल कोल्हे यांनी केला.

हेही वाचा - राष्ट्रवादी संपवण्याच्या नादात पृथ्वीराज चव्हाणांनी काँग्रेस संपवली; उंडाळकरांचे टीकास्त्र

लोकांनी मला आत्तापर्यंत लाखमोलाची साथ दिली असल्याचे सांगून श्रीनिवास पाटील म्हणाले, पाटण तालुक्यात विक्रमसिंह पाटणकर यांनी पर्यटन विकास, नवीन महाबळेश्वर, कारखान्यासह छोट्या-मोठ्या उद्योगधंद्यांची निर्मिती केली आहे. आमचं वयं तुम्ही कशाला विचारता? जनतेने प्रतिनिधीत्व करण्याची संधी दिल्यानंतर मी आणि विक्रमसिंह पाटणकरांनी ती जबाबदारी चोखपणे बजावली. आता मला आणि सत्यजितसिंह पाटणकरांना पुन्हा संधी द्या. पाटण तालुक्याचा आणखी कायापालट करून दाखवितो, असा शब्द त्यांनी दिला.

हेही वाचा - दुष्काळमुक्तीसह बेरोजगारी संपवून महाराष्ट्र समृद्ध करायचाय - बानगुडे पाटील

यावेळी पाटण पंचायत समितीच्या सभापती उज्वला जाधव, काँग्रेसचे प्रांतिक प्रतिनिधी हिंदूराव पाटील, सुजित पाटील, यशस्विनीदेवी पाटणकर, माजी जिल्हा परिषद सदस्य संजय देसाई, सह्याद्री कारखान्याचे माजी संचालक निवासराव पाटील, अ‍ॅड. अविनाश जानुगडे, माजी सभापती संगीता गुरव, काँग्रेसच्या तालुकाध्यक्षा वंदना आचरे, रमेश मोरे, योगेश पाटणकर, पंचायत समिती सदस्या सुरेखा पाटील, सुनंदा पाटील, डॉ. महेंद्र पाटील उपस्थित होते.

Intro:जनता 2014 ला जाहिराती बघून फसली. जाहिराती बघून तेल आणि साबण घ्यायचा असतो मतदान करायचं नसतं, हे आता जनतेच्या लक्षात आलंय. युतीने कर्जमाफी केली. तीही सरसकट नाही, तर 66 अटी घालून केली. कर्जमाफीची पोकळ घोषणा करून हे सरकार शेतकर्‍यांना खेळवतंय. परंतु, याद राखा...मौका सभी को मिलता है! असा इशारा राष्ट्रवादीचे खा. डॉ. अमोल कोल्हे यांनी दिला.Body:
कराड (सातारा) : जनता 2014 ला जाहिराती बघून फसली. जाहिराती बघून तेल आणि साबण घ्यायचा असतो मतदान करायचं नसतं, हे आता जनतेच्या लक्षात आलंय. युतीने कर्जमाफी केली. तीही सरसकट नाही, तर 66 अटी घालून केली. कर्जमाफीची पोकळ घोषणा करून हे सरकार शेतकर्‍यांना खेळवतंय. परंतु, याद राखा...मौका सभी को मिलता है! असा इशारा राष्ट्रवादीचे खा. डॉ. अमोल कोल्हे यांनी ढेबेवाडी येथे पाटण मतदार संघातील महाआघाडीचे उमेदवार सत्यजितसिंह पाटणकर यांच्या प्रचार सभेत भाजप-शिवसेना युतीला दिला. 1800 कोटींचा विकास झाल्याचे कागदावर सांगू नका. प्रत्यक्षात विकास दाखवा, असा आ. शंभूराजेंना टोला मारून श्रीनिवास पाटील, सत्यजितसिंह पाटणकर या दोघांना विजयी करण्याचे आवाहन डॉ. कोल्हे यांनी केले.
तळमावले (ता. पाटण) येथे सातारा लोकसभा पोटनिवडणुकीतील महाआघाडीचे उमेदवार श्रीनिवास पाटील आणि पाटण विधानसभेचे उमेदवार सत्यजितसिंह पाटणकर यांच्या प्रचारार्थ जाहीर सभा झाली. त्यावेळी खा. डॉ. अमोल कोल्हे बोलत होते. यावेळी पाटण पंचायत समितीच्या सभापती उज्वला जाधव, काँग्रेसचे प्रांतिक प्रतिनिधी हिंदूराव पाटील, सुजित पाटील, सौ. यशस्विनीदेवी पाटणकर, माजी जिल्हा परिषद सदस्य संजय देसाई, सह्याद्रि कारखान्याचे माजी संचालक निवासराव पाटील, अ‍ॅड. अविनाश जानुगडे, माजी सभापती संगीता गुरव, काँग्रेसच्या तालुकाध्यक्षा वंदना आचरे, रमेश मोरे, योगेश पाटणकर, पंचायत समिती सदस्या सुरेखा पाटील, सुनंदा पाटील, डॉ. महेंद्र पाटील उपस्थित होते.
एकदा चूक झाली की ती सुधारण्याची संधी पाच वर्षांनी येते. परंतु, तीन महिन्यापूर्वी झालेल्या लोकसभा निवडणुकीत झालेली चूक सुधारण्याची संधी सहा महिन्यातच आली असल्याचे सांगून खा. डॉ. कोल्हे म्हणाले, महाराष्ट्रात रोजगार निर्मिती थांबली आणि देशाचा विकास दर घसरत चालला आहे. हीच का सरकारची उभारी? माझ्यासमोर कोणी पैलवानच नाही, असे मुख्यमंत्री म्हणतात. मग पंतप्रधान, अमित शहा, योगी आदित्य यांच्या सभा का घेत आहात, असा सवाल खा. डॉ. कोल्हे यांनी केला.
लोकांनी मला आत्तापर्यंत लाखमोलाची साथ दिली असल्याचे सांगून श्रीनिवास पाटील म्हणाले, पाटण तालुक्यात विक्रमसिंह पाटणकर यांनी पर्यटन विकास, नवीन महाबळेश्वर, कारखान्यासह छोट्या-मोठ्या उद्योगधंद्यांची निर्मिती केली आहे. आमचं वयं तुम्ही कशाला विचारता? जनतेने प्रतिनिधीत्व करण्याची संधी दिल्यानंतर मी आणि विक्रमसिंह पाटणकरांनी ती जबाबदारी चोखपणे बजावली. आता मला आणि सत्यजितसिंह पाटणकरांना पुन्हा संधी द्या. पाटण तालुक्याचा आणखी कायापालट करून दाखवितो, असा शब्द त्यांनी दिला. ज्याप्रमाणे शितावरून भाताची परिक्षा होते. त्याप्रमाणे माझ्या कामाची पध्दत सर्वांना ज्ञात आहे. गेल्या दहा वर्षातील निष्क्रिय कारभार विसरू नका. मतदारसंघात विकासकामासाठी एक रूपया दिला नाही आणि विरोधक मतांचा जोगवा मागत फिरत आहेत. जनाधाराचा अपमान करून निवडणूक लादल्यामुळे जिल्ह्यामध्ये मोठा उठाव आहे, असेही पाटील म्हणाले.
आमदारांनी अनेक आश्वासने दिली होती. त्यांचा जाहिरनामा कॉपी पेस्ट असल्याचा टोला मारून सत्यजितसिंह पाटणकर म्हणाले, तालुक्यात 1800 कोटींची कामे आणल्याचे शंभूराज देसाई सांगत आहेत. पण, अठराशे कोटीत किती शुन्य असतात हेही संसदपट्टूंना सांगता येणार नाही. आता जनताच मतपेटीद्वारे त्यांच्या अठराशे कोटींचा पंचनामा करून खोट्या विकासकामांची पोलखोल करतील, असे ते म्हणाले.
पंचायत समिती सदस्या सुरेखा पाटील म्हणाल्या, आमदारांची कामे ही केवळ कागदावरची आहेत. प्रत्येकवेळी त्यांनी आम्हाला अपमानास्पद वागणूक दिली. विश्वासात घेतले नाही. त्यांच्या सोबत काम करण्यापेक्षा स्वाभिमान असेल तिथे काम केलेले बरे. म्हणून राष्ट्रवादीत प्रवेश केल्याचे त्या म्हणाल्या.Conclusion:

For All Latest Updates