सांगली - वाळवा तालुक्यातील येलूर फाट्याजवळ 16 जानेवारीला सनबीम कंपनीजवळच्या नंबरचा मळा येथील शेतातील वस्तीवर सुनील प्रकाश काळे (वय 35) याचा तोंडावर व हातावर विळा आणि दगडाने घाव घालून खून केला होता. याप्रकरणी खून करून पसार झालेल्या संशयित आरोपींना मंगळवारी कुरळप पोलिसांनी अटक केली आहे. नागेश उर्फ मिथुन मारुती काळे (वय 27 रा.येलूर) आणि अजय सुरेश बिलुगडे (वय 25 रा. मोरेवाडी. कोल्हापूर ) अशी अटक केलेल्या संशयित आरोपींची नावे आहेत.
हेही वाचा - 'मॉर्निंग वॉक'साठी गेलेल्या व्यक्तीचा अज्ञात वाहनाच्या धडकेत मृत्यू
या खून प्रकरणी कुरळप पोलीस स्टेशनचे पोलीस निरीक्षक अरविंद काटे आणि त्यांच्या पथकाने सखोल तपास करत अखेर फोन डिटेल्स आणि सायबर क्राईमच्या मदतीने नागेश आणि अजय यांना कोल्हापूर जिल्ह्यातील मोरेवाडी येथून ताब्यात घेतले. याबाबत पोलिसांकडून मिळालेली माहिती अशी, की नागेश हा मृत सुनील याचा चुलत भाऊ असून नागेशला पत्नी आणि सुनीलमध्ये अनैतिक संबधं असल्याचा संशय होता. यावरून अनेकदा त्यांच्यात वादही झाले होते. यावरून नागेशने पत्नीला माहेरी पाठवले होते.
हेही वाचा - देशासाठी हौतात्म्य पत्करलेल्या मुस्लीम वीर जवानाची आई २० वर्षांपासून 'अंधारात'
16 जानेवारीला नागेश हा आजारी असल्याने कोडोली येथील खाजगी दवाखान्यात भरती झाला होता. त्याला भेटण्यासाठी मोरेवाडी येथील मित्र अजय गेला असता नागेशने तब्येत ठीक असल्याचे सांगून दनाखान्यातून डिस्चार्ज घेतला. दोघेही मोटारसाइकलवरून नातेवाईकांच्या घरी जेवण करून येलूर गावी आले. पाच ते सहा वाजण्याच्या दरम्यान फाट्यावरील शेतात गेले असता तेथे सुनील हा आपल्या मोटारसायकलवरून जनावरांना वैरण घेऊन शेडजवळ येताच दोघांमध्ये जुन्या भांडणावरून शाब्दिक वाद होऊन भांडण विकोपाला गेले. आधीच पत्नीच्या कारणाने राग मनात असल्याने सुनीलच्या हातातील विळा घेऊन मित्राच्या सोबतीने सुनीलवर सपासप वार केले. सुनिल खाली पडताच शेजारी पडलेला दगडाने तोंडावर वार करून खून केल्याचे कबूल केले असल्याचे सहाय्यक पोलीस निरिक्षक अरविंद काटे यांनी सांगितले. याप्रकरणी पुढील तपास पोलीस निरीक्षक अरविंद काटे करीत आहेत.
