सांगली - नवा महाराष्ट्र घडवण्यासाठी पुन्हा फडणवीस सरकार सत्तेवर आणा, असे आवाहन गोव्याचे मुख्यमंत्री प्रमोद सावंत यांनी केले. भाजपचे उमेदवार सुधीर गाडगीळ यांच्या प्रचारार्थ आयोजीत सांगलीतील प्रचारसभेत सावंत बोलत होते. यावेळी सांगलीतील उद्योजकांसह मोठ्या संख्येने सामान्य नागरिक उपस्थित होते.
हेही वाचा - शेतकऱ्यांनी महायुतीच्या उमेदवाराची केली बोलती बंद
हेही वाचा - शिवसेनेचे आमदार रायमूलकर आपल्या आदर्श गावाबद्दल अनभिज्ञ
राज्यात गेल्या ५ वर्षात देवेंद्र फडणवीस सरकारने दमदार कामगिरी केली आहे. ५ वर्षात मूलभूत सुविधा उपलब्ध करून देणे शक्य नाही. मात्र, फडणवीस सरकारने ते करण्याचा प्रयत्न केला आहे. मात्र आघाडी सरकारच्या काळात असा कोणताही प्रयत्न झाला नसल्याचा आरोप सावंत यांनी यावेळी केला. आज केंद्र आणि महाराष्ट्र सरकारकडून कौशल्य विकास कार्यक्रमांतर्गत उद्योग वाढीचा प्रयत्न केला आहे. आज नवा महाराष्ट्र घडवण्याची गरज असून, यासाठी नवनिर्मिती करणाऱ्या उद्योजकांनी पुढे आले पाहिजे. नवा महाराष्ट्र घडवण्यासाठी पुन्हा देवेंद्र फडणवीस सरकार सत्तेवर आणा असे आवाहन प्रमोद सावंत यांनी केले.
