सांगली - मला फेकुचंद म्हणता, मीही तुम्हाला शरद पवारांचे पंटर, खबऱ्या म्हणू शकतो, पण माझी ती संस्कृती नाही. मात्र, आपला पगार किती आणि बोलता किती? अशा खरमरीत शब्दात भाजपा आमदार गोपीचंद पडळकर यांनी सामनाचे संपादक आणि शिवसेनेचे खासदार संजय राऊत यांच्यावर पत्र लिहून निशाणा साधला आहे.
सामनातून पडळकरांच्यावर टीका..
भाजपा आमदार गोपीचंद पडळकर यांच्या मुंबई अधिवेशन दरम्यान करण्यात आलेल्या आंदोलनावरून शिवसेना मुखपत्र असलेल्या दैनिक सामनाच्या अग्रलेख मधून पडळकर यांचा "फेकुचंद", असा उल्लेख करत टीका करण्यात आली होती. या टीकेला पडळकर यांनी खरमरीत पत्र लिहून संजय राऊत यांची खिल्ली उडवली आहे.
पडळकर यांनी सामना मधून करण्यात आलेल्या टिकेवर बोलताना म्हटले आहे की, सामना मी कधीच वाचत नाही, सोशल मीडियामधून मला लेख वाचायला मिळाला. सामनाच्या अग्रलेखातून संजय राऊत यांनी माझ्यावर टीका केली. परंतु मला आंदोलन करण्यासाठी सरकारच्या किंवा शिवसेनेच्या परवानगीची गरज नाही. मला डॉ.बाबासाहेब आंबेडकर यांच्या घटनेने तो अधिकार दिला आहे. त्यांच्या विकृत लिखाणाला उत्तर देण्यासाठी माझ्यासोबत अनेक जाणकार मंडळी महाराष्ट्रभर काम करत आहेत. त्याचसाठी हा पत्र प्रपंच केला आहे.पडळकरांचे संजय राऊतांना खरमरीत पत्र आपण सामनाच्या अग्रलेखात जी मुक्ताफळे उधळली आहेत. ती मुद्दाम लोकांना कळावित म्हणून मी हे पत्र लिहित आहे. त्या अग्रलेखात आपण असे लिहिले आहे, की महाराष्ट्रात हुकूमशाही वा आणीबाणीसारखी परिस्थिती असती तर फेकूचंद पडळकरांना त्यांच्या ढोल-ताशांसह तुरुंगात टाकले असते, पण फेकूचंदना लोकशाही मार्गाने ढोल वाजवून निषेध करण्याचे स्वातंत्र्य मिळालेले आहे.
बोलण्याचे लायसन्स मातोश्रीमधून की गोविंदबागेतून? फक्त टिका केली म्हणून एखाद्या नटीला जेरीस आणायचं अन् उखाड दिया म्हणत, अशा भुरट्या मर्दानगीच प्रदर्शन मांडायचे, हे कसलं स्त्रीदाक्षिण्य? ज्या छत्रपती शिवाजी महाराजांचे तुम्ही दाखले देत, आपले राजकारण करता त्यांचा आदर्श विसरलात का? शत्रुगटातील स्त्री असली तरी, तिची खणानारळाने ओटी भरून यथोचित सन्मान करण्याची आपली परंपरा आहे. तेही महाविकास
पडळकरांचे संजय राऊतांना खरमरीत पत्र आघाडीत जाऊन विसरले असल्याची टीका करत पडळकरांनी कंगना प्रकरणातील कारवाईवरूनही राऊतांवर आसूड ओडले आहेत.
आपला पगार किती आणि आपण बोलता किती ? संजय राऊतजी, आपला पगार किती आणि आपण बोलता किती? आपल्या पक्षाचे जेवढेही खासदार निवडून आले ते भाजपच्या आणि विशेषत: पंतप्रधान नरेंद्र मोदींच्या भरवशावर निवडून आलेले आहेत, याचा इतक्या लवकर आपल्याला विसर पडला का? पंतप्रधान मोदींवर वाट्टेल तसे आरोप करण्याची आपली लायकी तरी आहे का? ऊठसुठ कोणत्याही विषयावर आणि व्यक्तीवर काहीही बोलण्याचे लायसन्स आपल्याला मातोश्रीतून मिळाले की, बारामतीच्या गोविंदबागेतून मिळाले? हे महाराष्ट्राला कळू द्या. शरद पवार यांच्याविषयी मध्यंतरी मी काही विधाने केली, तेव्हा आपला चांगलाच जळफळाट झाला होता, ते साहजिकही आहे, असे म्हणत संजय राऊतांच्या पवार प्रेमावरही पडळकरांनी निशाणा साधला आहे.
मातोश्री पेक्षा पवारांची हुजरेगिरी..कारण आपल्या निष्ठा मातोश्रीपेक्षा पवारांच्या चरणी अधिक आहे, असे शिवसेनेतील आमचे मित्र आम्हाला सांगत असतात. माझ्यात सभ्यता आहे आणि अजूनतरी, ती मी आपल्याबाबतीत सोडलेली नाही. पण आपली एकूणच पवारांबाबतची हुजरेगिरी बघता, आपल्याला "तीच" उपाधी मी देखील द्यावी असे राहून राहून वाटते, अशा खरमरीत पत्र आमदार पडळकर यांनी, संजय राऊत यांचा समाचार घेतला आहे. पडळकरांच्या या टीकात्मक पत्रावर संजय राऊत प्रतिक्रिया देऊन पडळकरांचे महत्व वाढवणार की या दुर्लक्ष करणार हे पाहणे औत्सुक्याचे ठरणार आहे.
