रत्नागिरी - सततच्या पावसामुळे रत्नागिरी जिल्ह्यातील भात पीक घेणाऱ्या शेतकऱ्यांचे अतोनात नुकसान झाले आहे. नुकसान झालेल्या शेतकऱ्यांच्या शेतीचे पंचनामे करून तत्काळ नुकसानभरपाई देण्यात यावी, अशी मागणी आमदार उदय सामंत यांनी जिल्हाधिकाऱ्यांकडे केली आहे.
भातशेती हे रत्नागिरी जिल्ह्यातील शेतकऱ्यांचे महत्त्वाचे पीक असल्याने या शेतीवर अवलंबून असणारा शेतकरीवर्गाची येथे जास्त संख्या आहे. नुकसान झालेल्या शेतकऱ्यांना तातडीने दिलासा मिळणे आवश्यक आहे. त्यामुळे जिल्हाधिकाऱ्यांनी भातशेतीच्या नुकसानीबाबत राज्य शासनाला तातडीने कळवावे. शेतीचे पंचनामे करून नुकसानभरपाई मिळण्यासाठी तातडीने पाठपुरावा करावा, अशी मागणी आमदार उदय सामंत यांनी केली आहे.
हेही वाचा - नवनिर्वाचित आमदारांची मातोश्रीवर बैठक, मुख्यमंत्री शिवसेनेचा करण्याची आमदारांची मागणी
दरम्यान, भारतीय जनता पक्षाचे जिल्हाध्यक्ष अॅड. दीपक पटवर्धन यांनी मुख्यमंत्री देवेंद्र फडणवीस यांच्याकडे केली आहे. शेतकऱयांच्या प्रश्नांबाबत मुख्यमंत्र्यांशी संपर्क झाला असल्याची माहिती भाजपकडून देण्यात आली.
