रत्नागिरी - जिल्ह्यात कोरोनाचा कहर सुरुच आहे. दिड महिन्याचा लॉकडाऊन पूर्ण झाल्यानंतरही मंगळवारी ६५५ नवे रुग्ण आढळले आहेत. तर मागील ३६८ रुग्णांची घोषणा जिल्हा रुग्णालयाने मंगळवारी केली आहे. त्यामुळे एकूण १०२३ कोरोना रुग्णांची नोंद मंगळवारी झाली आहे. दरम्यान एकूण पॉझिटिव्ह रुग्णांची संख्या ३७ हजार ४६२ वर पोहचली आहे.
आज ६५५ पॉझिटिव्ह नवे रुग्ण
मंगळवारी जिल्ह्यात विक्रमी तपासणी करण्यात आली आहे. तब्बल ३ हजार ९० स्वॅबची तपासणी करण्यात आली. त्यामध्ये ६५५ पॉझिटिव्ह तर २ हजार ४३५ जणांचा अहवाल निगेटिव्ह आला आहे. आतापर्यंत १ लाख ७२ हजार १२६ जणांचा अहवाल निगेटिव्ह आला आहे. तर आतापर्यंत एकूण ३७ हजार ४६२ पॉझिटिव्ह रुग्ण आढळले आहेत. त्यातील ३२ हजार २९० रुग्ण कोरोना मुक्त झाले आहेत. तर सद्या ३९२५ रुग्ण जिल्ह्यातील विविध रुग्णालयातून उपचार घेत आहेत.
७ जणांचा मृत्यू
तर मंगळवारी दिवसभरात ७ जणांचा मृत्यू झाला आहे. त्यामुळे एकूण मृत्यूची संख्या १२४७ झाली असून मृत्यूचा दर ३.३२ टक्के झाला आहे. जिल्ह्याच्या आरोग्य यंत्रणेने रुग्ण तपासणीचा वेग वाढविला असल्याचे आकडेवारीवरुन दिसत आहे. हा वेग असाच कायम राहिला तर पॉझिटिव्ह रुग्णांवर उपचार करुन त्यांच्यावर वेळेत उपचार होण्यास मदत होणार आहे. तर संसर्ग रोखण्यासाठीही चाचण्याची कामगिरी महत्वपुर्ण ठरणार आहे.
हेही वाचा - राज्यात नव्या कोरोना रुग्णांची संख्या घटली; मंगळवारी 14 हजार 123 नवे बाधित
