रत्नागिरी : 'सीएए' विरोधातील मोर्चात वृद्धाचा मृत्यू, लांजा येथील घटना

लांजा (जि. रत्नागिरी) शहरात नागरिकत्व दुरुस्ती कायदा रद्द व्हावा, यासाठी सर्व पक्षीय मोर्चा काढण्यात आला होता. या मोर्चावेळी एका 70 वर्षीय वृद्धाचा हृदयविकाराच्या झटक्याने मृत्यू झाला.

रत्नागिरी - रत्नागिरी जिल्ह्यातील लांजा शहरात एनआरसी, एनपीआर आणि सीएए विरोधात सोमवारी (दि. 27 जानेवारी) मोर्चा काढण्यात आला होता. मोर्चादरम्यान 70 वर्षाच्या कादर अहमद नाईक यांचा हृदयविकाराच्या झटक्याने मृत्यू झाल्याची घटना घडली आहे.

शेटे चौक ते तहसलीदार कार्यालयापर्यंत हा मोर्चा काढण्यात आला होता. सर्वपक्षीयांनी काढलेल्या मोर्चात 3 हजारपेक्षा जास्त लोक सहभागी झाले होते. मोर्चादरम्यान वृद्धाचा मृत्यू झाल्याने तहसीलदारांना निवेदन देत मोर्चा थांबवण्यात आला.

हेही वाचा - प्रलंबित मागण्यांसाठी अंगणवाडी सेविकांचे धरणे आंदोलन

दरम्यान, हृदयविकाराचा झटका आल्याने 70 वर्षांच्या कादर अहमद नाईक यांना जवळच्या रुग्णालयात नेण्यात आले. पण, त्यापूर्वी त्यांचा मृत्यू झाला होता. मोर्चा दरम्यान जाहीर सभा घेत सरकारविरोधात जोरदार घोषणाबाजीही करण्यात आली.

हेही वाचा - विदेशी पर्यटकांनी भारतीयांसमोर ठेवला अनोखा आदर्श