रत्नागिरी - स्वतःच्या गावात आधी तुमचं अस्तित्व निर्माण करा आणि मग राणेंच्या अस्तित्वावर भाष्य करा, अजूनपर्यंत अहो-जाओ करतोय. मला भाषा सोडायला भाग पाडू नका, असा इशारा देत भाजप नेते माजी खासदार निलेश राणे यांनी शिवसेना आमदार भास्कर जाधव यांचा समाचार घेतला आहे. शिवसेना आमदार भास्कर जाधव यांनी ग्रामपंचायत निवडणूक निकालानंतर भाजप नेते खासदार नारायण राणे यांच्यावर टीका केली होती. या टीकेला भाजप नेते माजी खासदार निलेश राणे यांनी प्रत्युत्तर देत भास्कर जाधव यांच्यावर जोरदार टीका केली आहे. ते रत्नागिरीत पत्रकार परिषदेत बोलत होते.
दरम्यान गावातील मंदिरात भास्कर जाधव यांना मीटिंगला बोलावलं नाही म्हणून अर्वाच्च भाषेत शिवीगाळ करतात. अशा भास्कर जाधव यांची नारायण राणेंवर टीका करण्याइतकी लायकी नाही. यापुढे जर नारायण राणेंवर उलटीसुलटी भाषा वापरली. तर भास्कर जाधव यांना जशास तसं उत्तर मिळेल, असा इशारा निलेश राणे यांनी यावेळी दिला.
राणेंचं अस्तिव काय आहे हे सिंधुदुर्गने दाखवलं-
