रत्नागिरी - सध्या होत असलेल्या हवामानातील बदलामुळे आंबा उत्पादक शेतकरी चिंतेत आहे. काही दिवसांपूर्वी ढगाळ वातावरण त्यातच तीन दिवसापूर्वी पडलेल्या पावसामुळे आंबा उत्पादक शेतकऱ्याच्या चिंतेत आणखी भर पडली आहे.
वातावरणातील बदलामुळे रोगांच्या प्रादुर्भवाचा धोका
यावर्षीच्या वातावरणातील बदलामुळे आंबा उत्पादक शेतकऱ्याच्या मनावरचे चिंतेचे ढग आणखी गडद झाले आहेत. ढगाळ वातावरण असल्याने पालवी तसेच मोहोरावर तुडतुडा, बुरशी तसेच कीड रोगाचा प्रादुर्भाव होण्याचा धोका वाढला आहे. त्यातच पावसामुळे शेतकऱ्यांनी केलेल्या फवारणीचा खर्च ही वाया गेला आहे. त्यामुळे शेतकरी हवालदिल झाले आहेत.
हवामानातील बदलामुळे कीटकनाशकांची फवारणी करावी लागणार आहे. काही शेतकऱ्यांनी यापूर्वी केलेली फवारणी पावसामुळे वाया गेली. त्यामुळे शेतकऱ्यांना पुन्हा फवारणी करावी लागणार आहे. या हंगामाच्या पुढील कालावधीत निसर्गाने साथ दिली तरच काही प्रमाणात आंबा उत्पादक शेतकरी तग धरू शकतो. नाहीतर वातावरण असंचं राहिल्यास त्याचा आणखी मोठा फटका आंबा उत्पादक शेतकऱ्यांना बसू शकतो.
हेही वाचा - रत्नागिरीच्या तरुणाने बनवली ‘आयएनएस खुकरी’ची प्रतिकृती; संरक्षण मंत्र्यांच्या हस्ते होणार अनावरण
हेही वाचा - 'शेतकरी कायद्याबाबतची शरद पवारांची भूमिका आश्चर्यकारक'
