रत्नागिरी - पावसाळ्यातील कोकणातले सौंदर्य पाहण्यासाठी तुफान गर्दी सध्या रत्नागिरीत झाली आहे. येथील पडीक जमिनीवरील फुलांचा बहर पाहून मन मोहून जाते. विविध रंगीबेरंगी फुलांचे ताटवेच्या-ताटवे सध्या कोकणातल्या अनेक कातळावर पाहायला मिळत आहेत. तब्बल दोनशे फुलांच्या विविध छटा सध्या कातळभूमीत पाहायला मिळत आहेत.
हेही वाचा - गणेशमूर्तींवर फिरतोय अखेरचा हात; रेखणीच्या कामांना वेग
साताऱ्यातील कास पठारावर निळ्या, जांभळ्या आणि पिवळ्या रंगाच्या कास पुष्पांनी पर्यटनला एक नवी दिशा मिळवून दिली, तशाच पद्धतीचे रत्नागिरी-शिरगाव येथील पठारावर दृश्य पहायला मिळत आहे. शिरगावप्रमाणे राजापूरमधील देवीहसोळ, अडिवरे, गुहागरमधील वेळणेश्वर, वाडदई, मासू, हेदवी, काजुर्ली, दापोलीमधील दाभोळ, खेर्डी, चिपळूणच्या मार्गे ताम्हाणे, संगमेश्वरचा घोडवली या भागात विलोभनीय दृष्य सध्या पाहावयास मिळत आहेत.
हेही वाचा - रेल्वेतच गर्भवती महिलेने दिला कन्येला जन्म; कोकण रेल्वे मार्गावरील घटना
कातळावरील फुलांच्या जवळपास २०० प्रजाती कोकणात पाहायला मिळतात. त्यापैकी किटक खाणाऱ्या अनेक वनस्पती आहेत. पण, सध्या कोकणाच्या कातळावर 'ड्रॅासेरा इंडिका' ही वनस्पती आढळते. किटक खाणारी ही वनस्पती फक्त कोकणाच्या कातळावर आढळते. कोकणात या फुलांना कातळावरील रानफुले असे संबोधून याचे महत्व लक्षात घेतले जात नाही. कोकणात येणाऱ्या कास पुष्पाला संरक्षित केले तर पावसाळी पर्यटनाला एक वेगळी दिशाच मिळू शकेल. हा निसर्गाचा ठेवा सर्वांनीच जपणे आवश्यक आहे.
हेही वाचा - रत्नागिरीत पावसाचा जोर ओसरला; 24 तासात 28.11 मिमी पावसाची नोंद
