केनियाची राजधानी नैरोबी येथे महाराष्ट्र मंडळ यांच्यावतीने 1 मे अर्थातच महाराष्ट्र दिन व कामगार दिनाच्या निमित्ताने विविध कार्यक्रमांचे आयोजन करण्यात आले. भारतातून केनियात जमलेले मराठी बांधव गुण्यागोविंदाने एकत्रित येत आपली संस्कृती जपत असल्याचे पाहायला मिळत आहे.
खोपोलीतील संदीप पाटणकर यांच्या मुलींनी उत्कृष्टपणे केले किल्ले सादरीकरण
खोपोलीतील संदीप दत्तात्रेय पाटणकर हे गेली 15 वर्ष केनियात नोकरी व व्यवसाय निमित्त कार्यरत आहेत. 8 वर्ष सीमेन्स या जगप्रसिद्ध कंपनीत ते ब्रँच हेड होते, तर गेले 7 वर्षांपासून ते स्वतःचा व्यवसाय करीत आहेत. संदीप व मुग्धा पाटणकर यांच्या कन्या ऋचा व रमा यांनी 1 मे महाराष्ट्र दिनी किल्ल्याविषयी उत्कृष्ट सादरीकरण करून सर्वांची मने जिंकली आहेत. आपला इतिहास हा युवा पिढीच्या मनावर कोरण्याचे कार्य करणाऱ्या या महाराष्ट्रीयन मंडळीचे खरंच कौतुक आहे.
खोपोलीकरांनी केनिया देशात पाडली आपली छाप
तर या उपक्रमामधून आम्ही सर्व महाराष्ट्रीय कुटुंब एकत्रित येतो. कामाच्या व्यापातून वेळ काढुन मराठमोळे कार्यक्रम साजरे करतो. आमच्या युवा पिढीला महाराष्ट्रीय सण व संस्कृतीची ओळख रहावी, हा प्रयत्न करत असतो. असे महाराष्ट्र मंडळ नैरोबीचे अध्यक्ष अजय आपटे व सरचिटणीस मुग्धा पाटणकर यांनी सांगितले.
हेही वाचा - LIVE Updates : पश्चिम बंगाल विधानसभा निवडणूक; निकालाचे अपडेट्स वाचा एका क्लिकवर..
