रायगड - पुणे-माणगाव महामार्गावर ताम्हणी घाटात कारचा अपघात होऊन तीन जणांचा मृत्यू झाला असून दोन जण गंभीर जखमी झाले आहेत. जखमींना माणगाव उपजिल्हा रुग्णालयात हलविले आहे. माणगाव पोलीस याबाबत अधिक तपास करत आहेत. हा अपघात रात्री २ वाजण्याच्या सुमारास घडला.
निखिल गुळे, चंद्रकांत निकम, विक्रम शिंग, अशी मृतांची नावे आहेत. तर विजय पाटील आणि सुनील टेलएंगे हे जखमी झाले आहेत. पुणे येथून पाच जण कारने दिवेआगर येथे येत होते. ताम्हणी घाटात कार आली असता चालकाला डुलकी लागल्याने नियंत्रण सुटून कार झाडावर जाऊन आदळली असल्याची माहिती मिळत आहे.