Tanaji Sawant On Maratha Reservation : दोन वर्षात कोणीच आंदोलन केलं नाही, आताच आंदोलन का - आरोग्य मंत्री तानाजी सावंत

Tanaji Sawant On Maratha Reservation : मंत्री तानाजी सावंत यांनी मराठा आंदोलनाचे नेते मनोज जरांगे पाटील (Manoj Jarange Patil) यांच्यावर टोलेबाजी केली. आपल्याला आरक्षण मिळालं होतं, त्यानंतर मिळालेलं आरक्षण रद्द झालं. त्यानंतर एक वादळ निर्माण झालं. जर-तरच्या गोष्टी सांगायला मी पंचाग घेऊन बसलेलो नाही, असं ते म्हणाले.

पुणे Tanaji Sawant On Maratha Reservation : राज्यात मराठा आरक्षण आणि ओबीसी आरक्षण असा संघर्ष उभा ठाकला आहे. त्यातच आता आरोग्य मंत्री तानाजी सावंत यांनी एक वादग्रस्त वक्तव्य केलं आहे. मागच्या दोन वर्षात आरक्षण का गेलं हे कोणी विचारत नाही. मागच्या दोन वर्षात आंदोलन का उभी केली गेली नाहीत. असं म्हणत त्यांनी एक प्रकारे आरक्षणावरच प्रश्न निर्माण केला आहे.

आरक्षण का टिकवता आलं नाही : पाहिलं आरक्षण रद्द झाल्यानंतर वर्ष दोन वर्षे कोणीच काही बोललं नाही. अचानक एक वादळ यावं असं चाललेलं आहे. आरक्षण कधी मिळेल हे सांगायला मी काही पंचांग घेऊन बसलो नाही. हा लढा आहे. काही बाबी कायदेशीर आहेत. आज एका पद्धतीने शासनाची दमछाक करून आताच्या आताच आरक्षण द्या, कागदावर लिहून द्या अशी भूमिका घेतली जात आहे. पण आरक्षण टिकलं पाहिजे ते महत्वाचं आहे. देवेंद्र फडणवीस (Devendra Fadnavis) यांनी आरक्षण दिलं होतं. तत्कालीन सरकारला सुप्रीम कोर्टात का टिकवता आलं नाही? अशी प्रतिक्रिया तानाजी सावंत यांनी दिली आहे.

राजीनामा देणार का : तानाजी सावंत यांनी 2024 पर्यंत जर आरक्षण मिळालं नाही तर मी राजीनामा देणार असं म्हटलं होतं. या वक्तव्यावर ते ठाम आहेत का? असा प्रश्न केला असता, बघू आता 2024 आणखी पुढे आहे. सरकार काम करत आहे आणि आरक्षणाचा प्रश्न मार्गी लागत आहे. असं म्हणत त्यांनी एक प्रकारे आरक्षणावर राजीनामा देण्यास ठाम असल्याचं वक्तव्य टाळलेलं आहे.

छत्रपती संभाजी राजे यांच्या हस्ते आर्थिक मदत : मराठा आरक्षणासाठी आत्महत्या केलेल्या मराठा बांधवांच्या कुटुंबीयांना आज भैरवनाथ उद्योग समूहच्या वतीनं प्रत्येकी पाच लाख रुपये आर्थिक मदत देण्यात आली. तसंच त्यांच्या विद्यार्थ्यांचं पालकत्व तानाजी सावंत यांच्या या संस्थेनं घेतलं आहे. पुण्यातील जेएसपीएम कार्यालयात संभाजी राजे यांच्या हस्ते ही मदत वाटप करण्यात आली.

सत्ताधारी पक्षातलेच एकमेकात भांडत आहेत : ओबीसी आणि मराठा समाजामध्ये तेढ निर्माण होण्याची स्थिती आहे. याचं कारण मराठा आरक्षणासाठी मराठा नेते आणि ओबीसी आरक्षणासाठी ओबीसी नेते सत्ताधारी पक्षातलेच एकमेकांसोबत भांडत आहेत. यामध्ये छगन भुजबळ ओबीसी बद्दलची भूमिका प्रामुख्याने मांडत असल्याचं दिसतंय. या प्रश्नावर तानाजी सावंत म्हणाले की, ते त्यांच्या समाजाचा प्रश्न मांडतात मी माझ्या समाजाचा प्रश्न मांडतो.

हेही वाचा -