पुणे - बाजारात विकली जाणारी अंडी प्लास्टिकची असल्याच्या तक्रारी काही दिवसांपासून येत आहेत. मात्र, हा केवळ समाज माध्यमातून सुरू असलेला अपप्रचार असून कुठलीच अंडी प्लास्टिकची असू शकत नाहीत, असा खुलासा 'नॅशनल एग्ज कोऑर्डीनेशन कमिटी'च्या वतीने खास डेमोच्या माध्यमातून करण्यात आला आहे.
कुठल्याही पक्षाची अंडी फोडल्यास त्याच्या आत कवचाला चिटकलेला एक पापुद्रा असतो. हा पापुद्रा अगदी अलगदपणे कवचापासून वेगळा करता येतो. अंडे शिळे असल्यास हाच पापुद्रा प्लास्टिक सारखा भासतो आणि ती अंडी आपल्याला प्लास्टिकची असल्याचे वाटते. मात्र, प्रत्यक्षात ते खोटं आहे, हे पटवून देण्यासाठी एक चाचणी आहे. अंड्याचा हा पापुद्रा ज्वालांवर पकडला तरी तो सहसा जळत नाही. याउलट प्लास्टिक लगेच पेट घेते. त्यामुळे प्लास्टिकची अंडी ही केवळ अफवा आहे. या अंड्यांबाबत पसरत असलेल्या गैरसमजांच्या पार्श्वभूमीवर या क्षेत्रातील तज्ज्ञांनी पत्रकार परिषद घेऊन त्याबाबतचा खुलासा केला.
पुणे - 'आज के शिवाजी नरेंद्र मोदी' पुस्तकावरून वाद, पुण्यातील विद्यार्थ्यांनी केला निषेध
प्लास्टिक अंड्याच्या अफवांमुळे अंडी उत्पादक तसेच ग्राहकांमध्ये संभ्रम निर्माण झाले आहेत. मुंबई तसेच ठाणे विभागात प्लास्टिक अंड्यांच्या नावाखाली अंडी वाहतूक करणाऱ्या गाड्या रोखल्या जात आहेत. हे सगळं थांबवण्यासाठी 'एनइसीसी'ने पुढाकार घेतला आहे. अंड्यांबाबत निर्माण झालेल्या गैरसमजातून लोक अंडी खाण्याचे टाळता आहेत. परिणामी, अंड्याची मागणीदेखील घटली. अन्न घटकांची पूर्तता तसेच व्यावसायिक दृष्टिकोनातून ही बाब बाधक आहे. त्यामुळे अंडी खाणाऱ्यांनी आता ताण न घेता बिनधास्त अंडी खावीत.
पुणे - एक एकरात 43 प्रकारची पिके.. बारामतीतील 'कृषिक' प्रदर्शनात पाहता येणार प्रात्याक्षिक
