पुणे - विधानसभा निवडणुकीत राष्ट्रवादी काँग्रेसला पुणे जिल्ह्यातील जुन्नर आंबेगाव, खेड शिरूर तालुक्यात मोठे यश मिळाले. यानंतर खासदार व आमदार कामाला लागले आहेत. यातच सोमवारी जुन्नर तालुक्यात परतीच्या पावसाने द्राक्ष बागेंचे मोठे नुकसान होत आहे. याबाबत खासदार डॉ अमोल कोल्हे व आमदार अतुल बेनके या खासदार-आमदार जोडीने ग्रामस्थांसमवेत शेतांच्या बांधावर जाऊन दौरा केला. त्यानंतर परतीच्या पावसाने द्राक्ष बागांचे नुकसान होत असल्याने याची गंभीर दखल घेऊन त्वरीत पंचनामे करण्याचे आदेश यावेळी देण्यात आले.
जुन्नर तालुक्यातील बालपणाची जोडी म्हणुन अमोल-अतुलची जोडी संपुर्ण तालुक्याला परिचीत आहे. आता ही जोडी खासदार-आमदार म्हणून जनतेच्या कामात उतरली असून एक केंद्रातून तर एक राज्यातून नेतृत्व करणार आहे. त्यामुळे छत्रपती शिवाजी महाराजांच्या किल्ले शिवनेरीतील नागरिकांमध्ये अमोल-अतुल जोडीच्या रूपातून आशेचा किरण पुढे आला आहे.
हेही वाचा - ओझरमध्ये पहाटेच्या सुमारास दोन बिबट्यांचे आगमन, थरार सीसीटीव्ही कॅमेऱ्यात कैद
खासदार डॉ. कोल्हे व आमदार अतुल बेनके यांनी सोमवार सकाळपासुनच जुन्नर तालुक्यात दौरा सुरू केला. यावेळी त्यांनी शेतीच्या नुकसानीची पहाणी केली असून शेतकऱ्यांच्या अडीअडचणीही समजून घेण्याचा प्रयत्न केला जात आहे.
हेही वाचा - सहा वर्षीय मुलीला बाळाचा सांभाळ करायला सांगून महिलेची आत्महत्या.. पतीच्या जाचामुळे उचलले पाऊल
