पुणे - लॉकडाऊनच्या काळात राज्य व परराज्यातील कामगार व नागरिकांचा चाकण औद्योगिक वसाहत व खेड तालुक्यातील परिसरात मोठ्या संख्येने अडकून होते. दरम्यान राज्य सरकारने या नागरिकांना आपल्या गावाला जाण्यासाठी परवानगी दिल्यानंतर, नागरिकांच्या कोरोना संसर्गासंबधी आरोग्य चाचण्या व इतर माहिती संकलीत करुन राज्याअंतर्गत 9 बस व परराज्यासाठी 2 बस खेड तालुक्यातून रवाना करण्यात आल्याची माहिती तहसीलदार सुचित्रा आमले यांनी दिली.
खेड तालुक्यात चाकण, सेझ परिसरात एमआयडीसी आहे. येथे राज्याच्या अनेक भाग तसेच परराज्यातील कामगार आहेत. लॉकडाऊन काळात अडकून पडलेल्या अशा कामगारांना इच्छेनुसार त्यांच्या गावी जाण्यासाठी परवानगी देण्याचे कामकाज सुरू आहे. प्राप्त झालेले ऑनलाईन प्रस्ताव पोलीस कमिशनर कार्यालयाला पाठविण्यात आले आहेत.
राज्यातील ३६ जिल्ह्यातील 31 हजार 145 नागरिक रस्त्याने खासगी अथवा एसटीबस या वाहनाद्वारे जाऊ इच्छितांची नोंद घेण्यात आली आहे. बिहार, उत्तरप्रदेश, मध्यप्रदेश, राज्यस्थान, कर्नाटक, आसाम, छत्तीसगड, ओडिसा या राज्यमध्ये जाणाऱ्या नागरिकांनी नोंद केली आहे. त्यांच्यासाठी रेल्वेची सुविधा करण्यात येणार आहे. या सर्व नागरिकांना तळेगाव रेल्वे स्थानकापर्यंत जाण्याची व्यवस्था करण्यात येणार आहे. प्रवासादरम्यान लागणारे खान्याची व्यवस्थाही प्रशासनाकडुन करण्यात येणार असल्याचे तहसीलदार आमले यांनी सांगितले.
राज्य निहाय आकडेवारी -
बिहार - 6512
उत्तर प्रदेश- 14112
मध्य प्रदेश -6858
राजस्थान - 584
कर्नाटक - 373
आसाम - 1244
छत्तीसगड - 752
ओडिशा - 710
