पुणे - नाशिक विधान परिषद निवडणुकीत अत्यंत नाट्यमय घडामोडी घडत आहेत. उमेदवारी अर्ज भरण्याच्या अखेरच्या दिवसापर्यंत भाजपने अधिकृत उमेदवार जाहीर केला नाही. तर, काँग्रेस नेते सत्यजित तांबे यांनी अपक्ष म्हणून उमेदवारी अर्ज भरला.सत्यजित तांबे आणि त्यांच्या वडिलांनी पक्षाशी गद्दारी केल्याचा आरोप काँग्रेस प्रदेशाध्यक्ष नाना पटोले यांनी केला.
योग्य वेळी योग्य निर्णय - काँग्रेस तांबे यांना पाठिंबा देणार नसल्याचं जगजाहीर आहे. आता भाजपची भूमिका काय आहे, याकडे सर्वांचं लक्ष आहे. यावर राज्याचे उपमुख्यमंत्री देवेंद्र फडणवीस यांना विचारल असता ते म्हणाले की आमचं धोरण हे काल आमचे प्रदेशाध्यक्ष चंद्रशेखर बावनकुळे यांनी सांगितल आहे. योग्य वेळी योग्य निर्णय आम्ही करू.सत्यजित तांबे यांचं एक युवा नेता म्हणून काम खूप चांगल आहे. परंतु राजकीय निर्णय योग्य वेळी आणि धोरणात्मक पद्धतीने करावे लागतात.आमचे प्रदेशाध्यक्ष चंद्रशेखर बावनकुळे हे याबाबत निर्णय घेतील अस, यावेळी फडणवीस म्हणाले. पुण्यात एका कार्यक्रमात उपमुख्यमंत्री देवेंद्र फडणवीस बोलत होते.
योग्यवेळी सगळं समोर येईल - यावेळी फडणवीस यांना तुम्ही हे गणित घडून आणल आहे.अशी चर्चा आहे, अस विचारलं असता ते म्हणाले की, आम्ही कोणतंही गणित घडवलेले नाही. मी त्यांच्या पुस्तक प्रकाशनाला गेलो होतो. पण सगळेच नेते तिथं होते. त्यामुळं हा घटनाक्रम चुकीच्या पद्धतीने जोडू नये. योग्यवेळी सगळं समोर येईल असे फडणवीस म्हणाले. तसेच आम्ही कोणता उमेदवार द्यायची यावर चर्चा सुरू होती. राजेंद्र विखेंनी उमेदवारी घ्यावी अशी चर्चा होती. पण ऐनवेळी उमेदवारी द्यायची नाही असं ठरवण्यात आले आहे.
मातोश्रीच्या दरात पंकजा कधीच जाणार नाही - चंद्रकांत खैरे म्हणाले की, पंकजा मुंडे यांच्यासाठी मातोश्रीचेदार उघडे आहे. यावर फडणवीस यांना विचारलं असता ते म्हणाले की, त्यांच्यासाठी जरी मातोश्रीचे दार उघडे असले तरी मातोश्रीच्या दराने ते कधीच जाणार नाहीत. त्यामुळं मनातले मांडे मनातच राहणार आहेत. सायबर क्राईम बाबत यावेळी फडणवीस म्हणाले की, सायबर क्राईमसाठी एक ढाचा तयार केला आहे. आम्ही सर्वच प्लॅटफॉर्म त्यात आणणार आहोत. जेणेकरून लवकर रिस्पॉन्स मिळणार आहे.
मी नागपूरचा प्रतिनिधी - उपमुख्यमंत्री देवेंद्र फडणवीस यांनी पुण्यातून उमेदवारी घ्यावी ही मागणी जोर धरत आहे. यावर फडणवीस यांना विचारलं असता ते म्हणाले की, माझा असा कुठलाही विचार नाही. पुणे हे एक अतिशय चांगल शहर आहे. माझं पुणेकरांवर प्रचंड प्रेम आहे. पुणेकरांच देखील माझ्यावर प्रचंड प्रेम आहे. मी नागपूरचा प्रतिनिधी राहणार असून तेथून जिंकून येणार आहे. पण पुण्याच्या प्रचारासाठी, विकासासाठी पाहिजे ते करणार आहे असे फडणवीस म्हणाले.
यूपीएससी लेव्हलचा अभ्यासक्रम लागू - आज राज्यासह पुणे शहरात स्पर्धा परीक्षा करणाऱ्या विद्यार्थ्यांचे आंदोलन सुरू आहे. यावर फडणवीस यांना विचारलं असता ते म्हणाले की, अजून तरी असा अभ्यासक्रम लागू केलेला नाही. ती शिफारस आलेली आहे. मागच्या सरकारच्या काळात दळवी समितीने ती शिफारस केली होती. प्रश्न फक्त एवढंच आहे की कधीतरी यूपीएससी लेव्हलचा अभ्यासक्रम लागू करावाच लागेल. याबाबत योग्य तो निर्णय घेऊ अशी प्रतिक्रिया त्यांनी दिली.
