पुणे - राष्ट्रवादी काँग्रेसचे ज्येष्ठ नेते महसूल पद गमावलेले एकनाथ खडसे यांना ईडीकडून चौकशीचे समन्स पाठवण्यात आले आहे. त्यांना भोसरी एमआयडीसी परिसरामध्ये जमीन व्यवहारा संदर्भात हे समन्स बजावले आहे. एकनाथ खडसे यांची शुक्रवारी ईडी चौकशी होणार आहे. राष्ट्रवादी काँग्रेसचे ज्येष्ठ नेते एकनाथ खडसे अंमलबजावणी संचालनालयाच्या (ईडी) कार्यालयात चौकशीसाठी शुक्रवारी हजर होणार आहेत. पुण्यातील भोसरी येथील ‘एमआयडीसी’च्या जमीन खरेदी प्रकरणासह अन्य प्रकरणांमध्ये त्यांची चौकशी होणार आहे. ते ईडी कार्यालयात चौकशीसाठी दाखल झाले आहेत. तसेच ते ईडीच्या चौकशीला संपूर्ण सहकार्य करणार असल्याचे त्यांनी सांगितले. काही वेळापूर्वीच त्यांची मुलगी शारदा चौधरी देखील ईडीच्या कार्यालयात दाखल झाली आहे.
काय आहे प्रकरण
तत्कालीन भाजप सरकारमध्ये महसूल मंत्री पदावर असलेल्या एकनाथ खडसे यांच्यावर पत्नी व जावयाकडून पुण्यातील भोसरी येथील एमआयडीसी परिसरातील जमीन व्यवहार करण्यात आला होता. यावर सामाजिक कार्यकर्त्या अंजली दमानिया यांनी एकनाथ खडसे यांच्यावर आरोप केले होते. मात्र, हा व्यवहार पूर्णपणे खाजगी जमिनीचा झालेला असून कायद्याच्या चौकटीत राहूनच पत्नी व जावयाकडून ही जमीन विकत घेतली गेल्याचा दावा एकनाथ खडसे यांनी केलेला होता. या अगोदर या संदर्भात 3 तपास यंत्रणांकडून एकनाथ खडसे यांना क्लीनचिट देण्यात आली होती. आपण कुठलीही चुकीची गोष्ट केली नसल्याचे एकनाथ खडसे हे वारंवार सांगत आले आहेत.
हेही वाचा - अवघ्या १५ वर्षाचा 'कारबॉय' : अंश राव
