पुणे - राष्ट्रवादी काँग्रेसचे अध्यक्ष शरद पवार यांच्याकडे लोक हिताचे असंख्य गुण आहेत. आज संपूर्ण देशाला पवार साहेबांची व त्यांच्या विचारांची गरज असल्याचे वक्तव्य राजकीय विश्लेषक ज्ञानेश्वर जगताप यांनी केले.
शरद पवारांचा आज ८० वा वाढदिवस आहे. त्यानिमित्त सर्वच स्तरातून त्यांच्यावर शुभेच्छांचा वर्षाव होत आहे. कोणताही विषय हाताळताना त्या विषयाच्या शेवटापर्यंत जाऊन हार न मानण्याची अनोखी जिद्द शरद पवार यांच्याकडे आहे. आपल्या बरोबरच्या सहकाऱ्यांनी शरद पवार यांनी वेळोवेळी उमेद दिली असल्याचे ज्ञानेश्वर जगताप म्हणाले.
त्यांची अफाट इच्छाशक्ती नुकत्याच झालेल्या विधानसभेच्या निवडणुकीत अखंड राज्याने पाहिली आहे. आपले लक्ष्य साध्य करण्यासाठी ते अनेक अडचणींवर मात करून काम करतात. आज संपूर्ण देशाला पवार साहेबांची व त्यांच्या ज्ञानाची, निर्णयाची गरज असल्याचे जगताप म्हणाले.
