पुणे : गेल्या दोन दिवसांपासून राज्याच्या राजकारणात राष्ट्रवादी काँग्रेसमध्ये फूट पडली. पक्षाचे नेते अजित पवार यांनी 9 आमदारांना सोबत घेऊन भाजप आणि शिवसेनेबरोबर सत्तेत सहभागी झाले. उपमुख्यमंत्री अजित पवार यांनी राष्ट्रवादीत भूकंप केल्यानंतर राज्यातील वातावरण ढवळून निघाले आहे. यावर राष्ट्रवादी काँग्रेसचे नेते तसेच माजी उपमहापौर, दीपक मानकर यांनीसुद्धा अजित पवार यांच्यासोबत जाणार असल्याची भूमिका जाहीर केली आहे.
शरद पवार यांनी पुन्हा एकदा विचार करावा : 83 व्या वर्षी जर शरद पवार हे तरुण म्हणून फिरत असतील तर, मग राजकीय महत्वकांक्षा असणे वाईट आहे का? त्यामुळे मुख्यमंत्री व्हायला मग 82 व्या वर्षीची अजित पवार यांनी वाट बघायची का? आम्ही अजित पवार यांचे समर्थन करत आहे. आजित पवार यांना शरद पवार यांनी संधी दिली पाहिजे. तसेच शरद पवार यांनी सुद्धा आशीर्वाद द्यावेत. पुणे शहरातले असंख्य नगरसेवक, कार्यकर्ते, पदाधिकारी अजित पवारांसोबत आहेत. त्यामुळे शरद पवार यांनी पुन्हा एकदा विचार करावा अशी सर्वांची भूमिका असल्याचे दीपक मानकर यांनी म्हटले आहे.
अजित पवार मुख्यमंत्री व्हायला सक्षम : अजित पवार यांना आतापर्यंत राष्ट्रवादीतील सर्वोच्च पद देण्यात आले अशी टीका, शरद पवार समर्थकडून होत असते. यावर दीपक मानकर म्हणाले की, अजित पवारांमध्ये ती कार्यक्षमता असल्यामुळे ते पदे दिले गेले. त्या पदाला पूर्ण न्याय देण्याचे काम अजित पवार यांनी केले आहे. त्यामुळे आजही अजित पवार मुख्यमंत्री व्हायला सक्षम आहे. आज जो निर्णय घेतला आहे तो योग्य असल्याचे, तसेच उद्याच्या बैठकीमध्ये अजित पवार यांच्या बैठकीला हजर राहणार असल्याचे, दीपक मानकर यांनी म्हटले आहे.
हेही वाचा -
